మనలో చాలామంది అంజీర పండ్ల గురించి ఏదో ఒక సందర్భంలో వినే ఉంటారు. కొంతమంది ఈ పండ్లను అత్తిపండ్లు అని కూడా పిలుస్తారు. కొందరు ఈ పండ్లను నానబెట్టకుండా తినడానికి ఆసక్తి చూపిస్తే మరి కొందరు నానబెట్టి తింటారు. అత్తిపండ్లలో కరిగే ఫైబర్ కంటెంట్‌ ను విచ్ఛిన్నం చేయడంలో ఇది ఎంతగానో సహాయపడుతుంది. ఉదయాన్నే ఈ పండ్లను తినడం వల్ల ఎన్నో లాభాలు కలుగుతాయి.
గొంతు వాపు, గొంతు నొప్పి సమస్యలతో బాధపడే వాళ్లకు అంజీరా పండ్లు దివ్యౌషధం అని చెప్పవచ్చు. అంజీర పండ్లను ఉడకబెట్టి రుబ్బి ఆ మిశ్రమాన్ని గొంతు దగ్గర పెడితే ఎంతో మేలు జరుగుతుంది. ఎండిన అంజీరా పండ్లను వేడి పాలలో కలిపి వేడి చేసి ఉదయాన్నే ఆ పాలను తాగితే మలబద్ధకం సమస్య దూరమవుతుంది. శృంగార సామర్థ్యానికి సంబంధించిన సమస్యలను అంజీరా పండ్లు దూరం చేస్తాయి.
ఈ పండ్లు తినడం వల్ల స్త్రీలలో అండోత్పత్తి సమస్యలు, సంతాన లోపం సమస్యలు దూరమయ్యే అవకాశాలు ఉంటాయి. రక్త సంబంధిత రుగ్మతలకు చెక్ పెట్టడంలో ఎండిన అంజీరా పండ్లు సహాయపడతాయి. అంజీరా పండ్లు తినడం వల్ల క్షయ, టీబీ సమస్యలకు చెక్ పెట్టవచ్చు. అంజీరా పండ్లు తీసుకోవడం ద్వారా బరువు తగ్గే అవకాశాలు అయితే ఉంటాయని చెప్పవచ్చు.
అంజీరా పండ్లను తీసుకోవడం ద్వారా మధుమేహం సమస్యకు చెక్ పెట్టే అవకాశాలు అయితే ఉంటాయి. శరీరంలోని మంచి కొలెస్ట్రాల్ ను పెంచడంలో ఈ పండ్లు తోడ్పడతాయి. ఈ పండ్లు తీసుకోవడం వల్ల ఎముకలకు బలం చేకూరుతుంది. తరచూ ఈ పండ్లను తీసుకుంటే మంచిది. అయితే ఈ పండ్లు ఖరీదైన పండ్లు అనే విషయాన్ని గుర్తుంచుకోవాలి.