మనలో చాలామంది కాకరకాయతో చేసిన వంటకాలను తినడానికి అస్సలు ఇష్టపడరు. కాకరకాయ తినడానికి చేదుగా ఉండటం వల్ల ఎక్కువమంది కాకరకాయతో చేసిన వంటకాలను తీసుకోవడానికి అస్సలు ఇష్టపడరు. అయితే కాకరకాయ జ్యూస్ తీసుకోవడం వల్ల షుగర్ సమస్యకు చెక్ పెట్టుకోవచ్చు. షుగర్ తో బాధ పడేవాళ్లు కాకర కాయ జ్యూస్ తీసుకుంటే మంచిదని కామెంట్లు వ్యక్తమవుతున్నాయి.
కాకరకాయను ఎలా తీసుకున్నా ఆరోగ్యానికి మంచిదని చెప్పవచ్చు. చెడు కొలెస్ట్రాల్ స్థాయిలను తగ్గించడంలో కాకరకాయ జ్యూస్ ఉపయోగపడుతుంది. కాకరకాయ జ్యూస్ తాగడం వల్ల చర్మంపై వచ్చే ఫంగల్ ఇన్ఫెక్షన్లు సులువుగా దూరమయ్యే అవకాశాలు అయితే ఉంటాయని చెప్పవచ్చు. కంటిచూపును మెరుగుపరచడంలో కాకరకాయ జ్యూస్ ఉపయోగపడే అవకాశాలు అయితే ఉంటాయి.
కీళ్ల సంబంధిత సమస్యలతో బాధ పడేవాళ్లు కాకరకాయ జ్యూస్ తాగడం వల్ల ఈ సమస్య తగ్గే అవకాశం ఉంటుంది. కాలేయాన్ని శుభ్రం చేసే విషయంలో కాకరకాయ జ్యూస్ ఎంతగానో ఉపయోగపడుతుంది. కాకరకాయ రసాన్ని ఉల్లిపాయ రసంతో కలిపి తీసుకుంటే ఆరోగ్యానికి ఎంతగానో మంచి జరుగుతుందని చెప్పవచ్చు. ఇన్సులిన్ పరిమాణాన్ని పెంచడంలో కాకరకాయ తోడ్పడుతుంది.
మలబద్ధకం, అజీర్తి సమస్యలతో బాధ పడేవాళ్లు కాకరకాయ జ్యూస్ తాగితే మంచిది. వృద్ధాప్య ఛాయలు రాకుండా చేయడంలో కూడా ఈ జ్యూస్ ఉపయోగపడుతుందని చెప్పవచ్చు. కాకరకాయ జ్యూస్ ను సొంతంగా తయారు చేసుకుంటే మంచిది. చేదు ఇష్టం లేని వాళ్లు కొద్దిగా చక్కెర లేదా బెల్లం వేసుకుని తాగితే మంచిది.