Home TR Exclusive ఏమిటి స్వామి స్వరూపానంద స్పెషాలిటీ? 

ఏమిటి స్వామి స్వరూపానంద స్పెషాలిటీ? 

ఈ నెల పద్దెనిమిదో తారీకు విశాఖ శారదా పీఠాధిపతి స్వామి స్వరూపానంద జన్మదినమట.  అయితే అందులో విశేషం ఏమీ లేదు.  కానీ స్వరూపానంద జన్మదినం రోజున ఆంధ్రప్రదేశ్లోని ఇరవై మూడు ప్రముఖ దేవాలయాల నుంచి అర్చకస్వాములు విశాఖ వెళ్లి స్వామివారికి ఆలయమర్యాదలు అందించాలని జగన్ ప్రభుత్వం జారీ చేసిన ఆదేశం వివాదాస్పదంగా మారుతున్నది.  ప్రభుత్వ ఆలయాల అర్చకులు తీర్ధప్రసాదాలతో విశాఖ వెళ్లి ప్రయివేట్ స్వామి అయిన స్వరూపానందకు ఆలయ మర్యాదలు అందించడం చాలామంది లౌకికవాదులు మింగుడు పడటం లేదు.  
 
What Is Swami Swarupananda Specialty
What is Swami Swarupananda Specialty
 
స్వరూపానంద స్వామి పరంపరలోని స్వామి కాదు.  అయన సొంత పీఠాన్ని స్థాపించుకుని తనను తాను పీఠాధిపతిగా ప్రకటించుకున్నారు.  మరి ఆయనలోని గొప్పదనం ఏమిటో తెలియదు కానీ, ఆయన తెలంగాణ ముఖ్యమంత్రి కేసీఆర్ కు, ఆంధ్రప్రదేశ్ ముఖ్యమంత్రి జగన్ కు రాజగురువు అయ్యారు.  వారిద్దరూ ఆయన్ను చాలాసార్లు విశాఖ వెళ్లి కలిశారు.  ఆయన మహాత్మ్యాలు ఏమిటో ఎవరికీ తెలియదు.  మనదేశంలో గ్రామానికొక స్వామి ఉంటారు.  ఇక పీఠాధిపతులకు లెక్కే లేదు.   కొందరైతే పదవీవిరమణ చేసేదాకా సంసారం సుఖాలను అనుభవించి ఆ తరువాత సన్యసించి పీఠాధిపతులు అయ్యారు.  శారదా పీఠం అనేది కంచి పీఠం, శృంగేరి పీఠం లాగా పరంపర కాదు.  ఎంతో చరిత్ర, పురాణప్రాశస్త్యం కలిగిన ఆలయాల అధికారులు, అర్చకులు వెళ్లి స్వరూపానందకు మర్యాదలు చెయ్యడం ఏమిటో ఎవరికీ అంతుబట్టడం లేదు.  
 
What Is Swami Swarupananda Specialty
What is Swami Swarupananda Specialty
 
జగన్మోహన్ రెడ్డి ముఖ్యమంత్రి అయినదగ్గరనుంచి మతానికి, ఆధ్యాత్మికతకు సంబంధించి అనేక వివాదాలు చెలరేగాయి.  అంతర్వేదిలో రధం దగ్ధం కావడం, దుర్గా అమ్మవారి ఆలయంలో వెండి సింహాలు చోరీ కావడం,  తిరుమల ఆలయంలో డిక్లరేషన్ ఇవ్వకపోవడం  లాంటి ఎన్నో సంఘటనలు జరిగాయి.  వీటిని ప్రతిపక్షాలు తెలివిగా రాజకీయాలకు వాడుకుంటూ జగన్ ను దెబ్బ తియ్యాలని ప్రయత్నాలు చేస్తున్నాయి.  అయితే అదృష్టం కొద్దీ ఆంధ్రప్రదేశ్ లో మతపిచ్చి లేకపోవడంతో వాటిని ఎవరూ సీరియస్ గా తీసుకోవడం లేదు.  అందువలన ప్రతిపక్షాల ప్రయత్నాలు అన్నీ విఫలం అవుతున్నాయి.  
What Is Swami Swarupananda Specialty
What is Swami Swarupananda Specialty
 
గతంలో కంచి మహాస్వాములు స్వయంగా చాతుర్మాస దీక్ష చేపట్టి విజయవాడలో రెండు మాసాలు బస చేసినా ప్రభుత్వ అధికారులు ఎవ్వరూ ఆయన్ను పట్టించుకోలేదు.  ఒక్కరు కూడా వెళ్లి ఆ హిందూ మఠాధిపతిని పలకరించిన పాపాన పోలేదు.  మరి శారదా పీఠాధిపతి విషయంలో ఎందుకింత అత్యుత్సాహం చూపిస్తున్నారో తెలియడం లేదని భక్తులు వాపోతున్నారు.  సున్నితమైన ఇలాంటి విషయాలలో జగన్ అప్రమత్తంగా వ్యవహరించాలని ఆయన పార్టీవారు కోరుతున్నారు.  
 
- Advertisement -

Related Posts

హెరిటేజ్ ఎవరిది.? ఈ ప్రశ్నకు బదులేది.?

'హెరిటేజ్ అనే సంస్థతో నాకు సంబంధం లేదు. సంబంధం వుందని ఎవరైనా నిరూపిస్తే, బస్తీ మే సవాల్..' అంటూ కొన్నాళ్ళ క్రితం ముఖ్యమంత్రి హోదాలో నారా చంద్రబాబునాయుడు ఆవేశంతో ఊగిపోయారు. ఇప్పుడు ఆయనే,...

ఉత్సవం సరే, కోవిడ్-19 వ్యాక్సిన్ సరిపడా వుందా మోడీజీ.?

మాటలు కోటలు దాటేస్తాయ్.. చేతలు మాత్రం గడప కూడా దాటవ్.. కేంద్రంలోని నరేంద్ర మోడీ సర్కార్ పని తీరు గురించి ఇంతకన్నా గొప్పగా ఏం చెప్పగలం.? పెద్ద నోట్ల రద్దు నుంచి, కరోనా...

రివ్యూ : వకీల్ సాబ్

చిత్రం: వకీల్‌సాబ్‌ నిర్మాతలు: దిల్‌రాజు, శిరీష్‌ నటీనటులు: పవన్‌ కళ్యాణ్‌, నివేతా థామస్‌, అంజలి, అనన్య నాగళ్ల, ప్రకాష్‌ రాజ్‌, శ్రుతిహాసన్‌, ముకేష్‌ రుషి సినిమాటోగ్రఫీ: పి.ఎస్‌.వినోద్‌ సంగీతం: ఎస్‌.థమన్‌ రచన, దర్శకత్వం: శ్రీరామ్‌...

Latest News