బుల్లితెరపై యాంకర్ వర్షిణి చేసే రచ్చ అందరికీ తెలిసిందే. యూట్యూబ్, వెబ్ సిరీస్ నుంచి బుల్లితెరకు వచ్చిన వర్షిణి అతి తక్కువ కాలంలోనే యాంకర్‌గా తనకంటూ ఓ ప్రత్యేకతను ఏర్పర్చుకుంది. యాంకర్ అంటే తెలుగులో అనర్గళంగా మాట్లాడాల్సిన పని లేదని అందంగా ఉంటే చాలని అనుకుంటున్న రోజుల్లో విష్ఱు ప్రియ, వర్షిణి వంటి వారు యాంకర్లుగా ఎదిగేశారు. స్టార్డం తెచ్చేసుకున్నారు. వీరు ఇప్పుడు సోషల్ మీడియాలో, బుల్లితెరపై సెలెబ్రిటీ స్టేటస్‌ను సొంతం చేసుకున్నారు.
పటాస్, ఢీ షోలతో వర్షిణి బాగా ఫేమస్ అయింది. మరీ ముఖ్యంగా ఢీ షోలో ఆమెపై వేసే కౌంటర్లు, ఆమె చేసే పిల్ల చేష్టలు, ఆ మధ్య డ్యాన్స్ రానప్పుడు వేసిన వింత మూన్ వాక్ స్టెప్పులు ఆమెను బాగానే ఫేమస్ చేశాయి. ఇవన్నీ ఒకెత్తు అయితే హైపర్ ఆదితో వర్షిణి చేసిన కెమిస్ట్రీ ఫుల్లుగా వర్కౌట్ అయింది. ఎంతలా అంటే యూట్యూబ్‌లో వీరి పెళ్లి వార్తలు దావానంలా వ్యాప్తిచెందే వరకు వచ్చింది.
అయితే ఎన్నడూ కూడా వారిద్దరి మధ్య ఉన్న బంధం గురించి మాట్లాడలేదు. కేవలం స్నేహితులమేనని చెప్పుకునే వారు. కానీ తాజాగా వర్షిణి మాత్రం తన మనసులోని మాట చెప్పేసింది. పెళ్లిపై అభిప్రాయాన్ని చెబుతూ.. సెన్సేషనల్ కామెంట్స్ చేసింది. పెళ్లి ఎందుకు ఇలా ఉంటే హ్యాపీగా ఉందని చెప్పింది. గతంలో ఏదైనా ఉందా అంటే.. అవును ఉంది కానీ సెట్ అవ్వలేదని చెప్పుకొచ్చింది. నీకు సెట్ కాలేదా? అవతలి వారికి సెట్ కాలేదా? అని అడిగితే ఇద్దరికీ సెట్ కాలేదని వర్షిణి తెలిపింది. ఇలా మొత్తానికి బ్రేకప్ కావడంతో పెళ్లిపై ఇంట్రెస్ట్ పోయినట్టు తెలుస్తోంది.