తెలంగాణ ఎన్నికల్లో తెలంగాణ రాష్ట్ర స‌మితి సరి కొత్త చ‌రిత్ర‌ని సృష్టించి అందరి అంచనాలు తలక్రిందలు చేసిన సంగతి తెలిసిందే. ముఖ్యంగా తెలంగాణా రాష్ట్రం ఏర్ప‌డిన త‌ర్వాత జ‌రిగిన తొలి ఎన్నిక‌లు కావటంతో దేశం మొత్తం ఈ ఎలక్షన్స్ రిజల్ట్ వైపు చూసింది. అయితే తెరాస క్లీన్ స్వీప్ చేయటం,…. 88 స్థానాల్లో ఘన విజయం సాధించటంతో . కేసీఆర్‌కి ప్ర‌ధాని మోదీ స‌హా అగ్ర‌నేత‌లంతా అభినందనలు, శుభాకాంక్ష‌లు తెలియచేసారు.
ఈ నేపధ్యంలో తెలంగాణ రాష్ట్ర ఎన్నికల్లో ఘన విజయం సాధించిన టీఆర్ఎస్ పార్టీకి స్టార్ హీరో రామ్ చరణ్ అభినందనలు తెలిపారు. సోషల్ మీడియా వేదిక ద్వారా అభినందనలు తెలియచేసారు. కేటీఆర్,కేసీఆర్, కవిత,హరీష్ రావులకు ఆయన కంగ్రాట్స్ తెలిపారు.