సోషల్ మీడియా ప్రపంచంలో, ముఖ్యంగా పచ్చ తమ్ముళ్ల ఐటీ ఫ్యాక్టరీలో సరికొత్త న్యాయ సూత్రాలు పుట్టుకొచ్చాయి. పార్టీలో ఏ నేత తప్పు చేసినా ఒకేలా చూడాలి కదా.. కానీ ఇక్కడ రూట్ మార్చేశారు. దెందులూరు ఫైర్ బ్రాండ్, ఎమ్మెల్యే చింతమనేని ప్రభాకర్ టోల్ ప్లాజాల దగ్గర లేదా నడిరోడ్డుపై ఎలాంటి విన్యాసాలు చేసినా.. సోషల్ మీడియా సైన్యం వెంటనే రంగంలోకి దిగిపోతుంది. “ఆయనది దూకుడు స్వభావం బాస్.. కాస్త ముక్కుసూటి మనిషి.. గుండె వెన్న, కానీ పైకే గంభీరం” అంటూ సెంటిమెంట్ కలరింగ్ ఇచ్చి కవర్ చేసే ప్రయత్నం ముమ్మరంగా సాగుతుంది.
ఆయన చట్టాన్ని చేతుల్లోకి తీసుకున్నా, అది ‘కేడర్ కోసం చేసిన సింహం గర్జన’ లాగా బిల్డప్ ఇవ్వడం సోషల్ మీడియా తమ్ముళ్లకు వెన్నతో పెట్టిన విద్య. కానీ సీన్ కట్ చేస్తే.. పాపం తిరువూరు ఎమ్మెల్యే కొలికపూడి శ్రీనివాసరావు పరిస్థితి చూస్తే జాలేస్తుంది. ఆయన అమరావతి ఉద్యమం నుంచి వచ్చి పార్టీ కోసం గొంతు చించుకున్నా.. సొంత పార్టీ సోషల్ మీడియాలోనే ఆయన్ను ఒక ఉగ్రవాది రేంజ్‌లో అల్లరి పెట్టేస్తుంటారు. కొలికపూడి నియోజకవర్గంలో చిన్న మాట అన్నా, లేదా గ్రూపు రాజకీయాల తాలూకు అసంతృప్తి వెళ్లగక్కినా.. ఐటీ సెల్ తమ్ముళ్లే ముందుండి ట్రోల్స్ వర్షం కురిపిస్తారు.
చింతమనేని లాంటి సొంత సామాజిక వర్గ పెద్దాయన ఏం చేసినా అది మాస్ ఎలివేషన్.. అదే ఒక దళిత నేత అయిన కొలికపూడి గొంతెత్తితే అది పార్టీ క్రమశిక్షణను ఉల్లంఘించే తీవ్రవాదం అన్నట్లుగా ప్రచారం సాగుతోంది. ఈ డబుల్ స్టాండర్డ్స్ చూస్తుంటే, సోషల్ మీడియాలో న్యాయం అనేది కూడా నేత ఫేస్ వాల్యూని, బ్యాక్‌గ్రౌండ్‌ను బట్టే మారుతుందా అనే అనుమానం రాక మానదు. ఒకరిని నెత్తిన పెట్టుకుని ఊరేగడం, మరొకరిని ఉగ్రవాదిగా చిత్రీకరిస్తూ సొంత ఇల్లే గుల్ల చేయడం భలే విచిత్రంగా ఉంది. హైకమాండ్ ఇద్దరినీ పిలిచి క్లాస్ పీకినా.. సోషల్ మీడియా లోపల మాత్రం “చింతమనేని మా పులి.. కొలికపూడి మాత్రం వద్దు బాబోయ్” అనే భజన పతాక స్థాయికి చేరింది. మరి ఈ వింత పోకడలను అధిష్టానం ఎప్పుడు గమనిస్తుందో, ఈ డబుల్ గేమ్స్ కి ఎప్పుడు బ్రేకులు వేస్తుందో చూడాలి.