ఆరోగ్యమే మహాభాగ్యం అనేది మన పెద్దలు చెప్పిన సామెత. ఆరోగ్యంగా ఉంటే ఏదైనా చేయవచ్చు. మనం ఎప్పుడు ఆరోగ్యంగా ఉండాలంటే చిన్నచిన్న హెల్త్ టిప్స్ పాటిస్తూ ఉండాలి. మన ఇంట్లో ప్రతి రోజు వాడే వాటిలో వాము కూడా ఒకటి. వాము ఔషధ గుణాలు కలిగిన మొక్క. వాము వల్ల మన ఆరోగ్యానికి ఎన్నో ప్రయోజనాలు ఉన్నాయి. ఇప్పుడు మనం వాటి గురించి తెలుసుకుందాం.
వాములో మన ఆరోగ్యానికి అవసరమైన ఎన్నో విటమిన్స్, యాంటీబయాటిక్స్, యాంటీ ఫంగల్ లక్షణాలు ఉంటాయి. ముఖ్యంగా శీతాకాలంలో వాము వల్ల మన ఆరోగ్యానికి చాలా ఉపయోగాలు ఉన్నాయి. శీతాకాలంలో రెగ్యులర్ గా వచ్చే దగ్గు, జలుబు, గొంతు నొప్పి, జ్వరం వంటి వాటి నుండి వాము మనల్ని కాపాడుతుంది. ప్రతిరోజు రాత్రి పడుకునే సమయంలో కొన్ని వాము గింజలను నమిలి తినటం వల్ల జీర్ణక్రియ సంబంధిత వ్యాధులు దూరమవుతాయి. అలాగే గ్యాస్ట్రిక్ సమస్యలతో ఇబ్బంది పడేవారు వాము దోరగా వేయించి పొడి చేసి ఉంచుకోవాలి. ప్రతిరోజు ఉదయం ఒక గ్లాసు గోరువెచ్చని నీటిలో టేబుల్ స్పూన్ వాము పొడి కలుపుకొని తాగడం వల్ల గ్యాస్టిక్ సమస్య దూరం అవ్వడమే కాకుండా కిడ్నీ సమస్యల నుండి కూడా విముక్తినిస్తుంది.
వాము గింజలను వేయించి పొడి చేసుకొని దానిలో ఆవాల నూనె ను కలుపుకొని నిల్వచేసుకోవాలి. చిన్నపిల్లల్లో తరచూ దగ్గు జలుబు వంటి ఆరోగ్య సమస్యలు ఉంటే ఈ నూనె చాతిమీద మరియు వీపు మీద అలాగే అరిచేతులలో, పాదాలలో బాగా మసాజ్ చేయటం వల్ల ఇది విక్స్ లాగా పనిచేసి ఉపశమనం ఇస్తుంది. వాము గింజలలో విటమిన్స్ ,పీచుపదార్థాలు, ఖనిజాలు పుష్కలంగా ఉంటాయి. వాము గింజలలోని తైమల్ అనే రసాయనం బాక్టీరియాను, ఫంగల్ వ్యాధులను నివారిస్తుంది. వాము నుంచి తీసిన నూనెను కీళ్లనొప్పులు, కండరాల నొప్పులు ఉన్నవాళ్లు రాసుకుంటే తొందరగా తగ్గుతాయి.