Egg Benifits:కోడి గుడ్ల లో మనిషి శరీరానికి అవసరమైన అన్ని రకాల పోషకాలు లభిస్తాయి. కూరగాయలు, ఆకుకూరలు ఎన్ని తిన్నా లభించని పోషకాలు ఒక్క కోడిగుడ్ల లో ఉంటాయి. రోజు ఒక గుడ్డు తినండి ఆరోగ్యంగా ఉండండి అని నేషనల్ ఎగ్ కో ఆర్డినేషన్ కమిటీ టీవీలలో ప్రకటనలు కూడా ఇవ్వడం మనం చూస్తున్నాం. రోజు ఒక కోడి గుడ్డు తింటే శరీరానికి కావాల్సిన అన్ని పోషకాలు లభిస్తాయి. కోడిగుడ్లలో సోడియం, పొటాషియం, విటమిన్ బి 12, విటమిన్ డి, విటమిన్ ఎ, సాచురేటెడ్ ఫ్యాట్స్, ఫైబర్, క్యాల్షియం పుష్కలంగా లభిస్తాయి.
అయితే మార్కెట్ లో ఎక్కువగా తెలుపు రంగు కోడి గుడ్లు దొరుకుతుంటాయి. కొన్ని చోట్ల మాత్రం గోధుమ రంగు లో ఉండే కోడి గుడ్లు లభించడం చూసే ఉంటారు. నాటు కోడి పెట్టే గుడ్లు గోధుమ రంగు లో ఉంటాయి. అయితే వీటిలో ఏవి తింటే సురక్షితం, వేటిలో ఎక్కువ పోషకాలు లభిస్తాయి అని చూద్దాం.
గోధుమ రంగులో ఉండే కోడి గుడ్ల ధర తెలుపు రంగు కోడి గుడ్ల కన్న ఎక్కువగా ఉంటుంది. కోడిగుడ్లు సాధారణంగా తెలుపు రంగులోనే ఉంటాయి, కానీ వాటికి పెట్టే తిండి కారణంగా గుడ్డు రంగు మారుతుంది. నాటు కోళ్లకు ఎక్కువ జొన్న తో కూడిన ఆహారం పెడుతుంటారు, అందువల్ల అవి పెట్టే కోడి గుడ్ల రంగు గోధుమ రంగులో ఉంటుంది. వేరే కోళ్లకు అయిన సరే ఇటువంటి ఆహరం పెడితే అవి పెట్టే కోడిగుడ్ల రంగు కూడా గోధుమ రంగులో ఉంటుంది. దీన్నే అదునుగా చేసుకొని చాలా మంది ఇటువంటి ఫుడ్ మామూలు కోళ్లకు కూడా పెట్టి మార్కెట్ లో విక్రయిస్తున్నారు.
కోడికి మంచి పోషక విలువలు ఉన్న ఆహరం వేయటం వల్ల గోధుమ రంగు కోడి గుడ్లలో ఎక్కువ పోషక విలువలు ఉంటాయి. రుచి కూడా తెలుపు రంగు కోడి గుడ్ల కన్న గోధుమ రంగు కోడి గుడ్లే టేస్ట్ గా ఉంటాయి.అందువల్ల మార్కెట్ లో గోధుమ రంగు కోడిగుడ్ల ధర ఎక్కువగా ఉంటాయి. ఈ సారి మార్కెట్ కి వెళితే ఒక సారి గోధుమ రంగు కోడి గుడ్లు ట్రై చేయండి. వీటిని ఒక సారి తింటే మీకే టేస్ట్ అర్థం అవుతుంది.