Migrain Attack: ప్రపంచవ్యాప్తంగా ప్రతి ఐదుగురు మహిళలో ఒకరు, ప్రతి 20 మంది పురుషులలో ఒకరు ఈ మైగ్రేన్ వల్ల బాధ పడుతున్నారు. సాధారణంగా మైగ్రేన్ అనేది తల యొక్క ఇంద్రియ నాడిని మరింత సున్నితంగా తయారుచేస్తుంది, ఫలితంగా తరచూ తలనొప్పి వస్తుంది. మైగ్రేన్ వల్ల ఎవరూ చనిపోలేదు కానీ ఇది మనిషిని చాలా ఇబ్బంది పెడుతుంది. ఇది సాధారణంగా 15 నుంచి 25 సంవత్సరాల వారిలో మొదలవుతుంది, కొన్ని సంవత్సరాలు అలాగే ఉండి తర్వాత నెమ్మదిగా తగ్గుతుంది. డాక్టర్ నరేంద్రనాథ్ జెనా మాట్లాడుతూ.. మైగ్రేన్ రావటానికి ఎటువంటి ముఖ్య కారణం లేదు, కానీ ఇవి మెదడు యొక్క పనితీరును బలహీన పరుస్తాయి.
మైగ్రేన్ ను ఎలా గుర్తించాలి??
కేరళలోని కొచ్చి లో ఉండే అమృత హాస్పిటల్ లోని న్యూరాలజీ అసిస్టెంట్ ప్రొఫెసర్, స్ట్రోక్ విభాగ అధిపతి డాక్టర్ వివేక్ నంబియార్ కొన్ని రకాల మైగ్రేన్లు గురించి పంచుకున్నారు.
* సాధారణ మైగ్రేన్: ఇది నుదుటికి ఒక వైపున ఉండే తలనొప్పి, మెల్లమెల్లగా మొదలై గరిష్ట స్థాయికి చేరుకొని తర్వాత దానంతట అదే మెల్లగ తగ్గిపోతుంది. ఇది సర్వసాధారణమైన మైగ్రేన్ తలనొప్పి. కొన్నిసార్లు వికారం, వాంతులు వంటి లక్షణాలు కూడా ఉంటాయి. నిద్రపోవడం, కొద్దిసేపు విశ్రాంతి తీసుకోవడం వల్ల ఇది తగ్గిపోతుంది. కొన్ని సందర్భాలలో దీనిని తగ్గించడానికి మందులు అవసరం రావచ్చు. సాధారణంగా ఇది కొన్ని గంటల నుండి రెండు, మూడు రోజుల వరకు ఉండే అవకాశం కూడా ఉంది. ఏదైనా తలనొప్పి మూడు నుండి నాలుగు రోజుల వరకు ఉంటే గనుక మైగ్రేన్ నిర్ధారణ గురించి మనం ఆలోచించాల్సి ఉంటుంది.
* క్లాసిక్ మైగ్రేన్ (మైగ్రేన్ విత్ ఆరా): క్లాసిక్ మైగ్రేన్ నరాల డిజార్డర్స్ లోని మార్పులతోపాటు కపాలపు ఖజానా లో ఐదవది సరఫరా చేసే నరాల స్రావాల వల్ల వస్తుంది. ఈ మైగ్రేన్ వల్ల రోగులకు వారి కంటిలో నల్ల చుక్కలు లేదా లైట్లు అటు నుండి ఇటు కదులుతున్నట్టు అనిపిస్తుంటుంది. ఇది ముదిరితే కొన్నిసార్లు ఒక కంటి చూపు రావచ్చు లేదా రెండు కళ్ల యొక్క చూపు తగ్గవచ్చు. అయితే రోగి ఈ సమస్య నుండి మెల్లగా కోలుకుంటాడు.
* కాంప్లెక్స్ మైగ్రేన్ (హెమిఫ్లేజిక్ మైగ్రేన్): హెమిఫ్లేజిక్ మైగ్రేన్ తో బాధపడుతున్న వ్యక్తికి తలనొప్పితో పాటు శరీరంలోని ఒక వైపు ఉండే కలు లేదా చెయ్యి బలహీనపడుతుంది. ఈ పరిస్థితి 24 గంటలలో సాధారణ స్థితికి వస్తారు.
* కాంప్లెక్స్ మైగ్రేన్ (రెటీనా మైగ్రేన్): రెటీనా మైగ్రేన్ అనేది ఒక రకమైన కంటికి సంబంధించిన మైగ్రేన్. దీని వల్ల చాలా సమయం కంటి చూపు కోల్పోయే ప్రమాదం ఉంటుంది.