కూరగాయలు ఆరోగ్యం కాపాడుకోవడానికి ప్రధాన పాత్ర పోషిస్తాయి అనడంలో సందేహం లేదు.కూరగాయలు ఆరోగ్యానికి అవసరమైన అన్ని రకాల పోషక విలువలు ,యాంటీఆక్సిడెంట్స్, యాంటీబ్యాక్టీరియల్ లక్షణాలు పుష్కలంగా ఉంటాయి. అయితే కూరగాయలు ఆరోగ్యానికి మాత్రమే కాకుండా చర్మ రక్షణకు కూడా చాలా దోహదపడతాయి. అటువంటివాటిలో క్యారెట్ వల్ల చర్మ సమస్యలను ఎలా అరికట్టవచ్చు ఇప్పుడు మనం తెలుసుకుందాం.
శీతాకాలం వచ్చిందంటే చాలు చాలా ఆరోగ్య సమస్యలు వెంటాడతాయి. ఇటువంటి వాటిలో ముఖ్యమైనవి చర్మ సమస్యలు. ప్రకృతిలో లభించే పదార్థాలు , ఇంట్లో ఉండే పదార్థాలతోనే చర్మ సమస్యలకు కు చెక్ పెట్టవచ్చు. ఆరోగ్యానికి ఎంతో మేలు చేసే క్యారెట్ మీ చర్మ సౌందర్యాన్ని కాపాడుకోవడానికి కూడా ఉపయోగపడుతుంది.
స్మూత్ స్కిన్ కోసం క్యారెట్ , అలోవెరా కలిపిన జ్యూస్ ని రోజు మార్చి రోజు చర్మానికి అప్లై చేసినట్లయితే మీ చర్మం మృదువుగా మారుతుంది. క్యారెట్ ను ముక్కలుగా చేసి పేస్ట్ చేసుకోవాలి. ఈ పేస్ట్ లోకి ఒక టీ స్పూన్ తేనె, పాలు కలిపి ముఖానికి రాసుకుని ఒక 10 నిమిషాల తర్వాత చల్లటి నీటితో ముఖాన్ని అడగటం ద్వారా ఇది మాయిశ్చరైజర్ పనిచేసి చర్మం మృదువుగా తయారవుతుంది.
ఆయిల్ స్కిన్ సమస్యతో బాధపడే వారు ఒక కప్పు క్యారెట్ జ్యూస్ లో నిమ్మరసం, పెరుగు, శెనగపిండి ఒక్కొక్క టేబుల్ స్పూన్ కలిపి ముఖానికి మరియు మెడకు అప్లై చేయాలి. ఇలా ఇరవై నిమిషాల తర్వాత ముఖాన్ని గోరువెచ్చని నీటితో కడిగితే మీ ఆయిల్ స్కిన్ సమస్యలు తగ్గిపోతాయి.
క్యారెట్ జ్యూస్ లో పెరుగు, ఎగ్ వైట్ ని సమానంగా కలిపి ఆ మిశ్రమాన్ని ముఖానికి రాసుకోవాలి. అలా ఒక పదిహేను నిమిషాల తర్వాత ముఖాన్ని గోరువెచ్చని నీటితో కడగాలి. ఇలా కనీసం వారానికి రెండు నుండి మూడు సార్లు చేయడం ద్వారా మీ చర్మం మీద ఉన్న డెడ్ సెల్స్ తొలగిపోతాయి. క్యారెట్ జ్యూస్ ఇంకా రోజ్ వాటర్ ను కలిపిన మిశ్రమాన్ని మీ ముఖం మీద స్ప్రే చేసుకుంటే బయట తిరిగినప్పుడు వచ్చే దుమ్ము ధూళి నుండి మీ చర్మాన్ని కాపాడుతుంది.