తెలుగులో పాన్ ఇండియా సబ్జెక్టులతో దాదాపు ప్రతి స్టార్ హీరో సినిమా తెరకెక్కుతోంది. కానీ గతంలోనే దర్శకుల డ్రీమ్ ప్రాజెక్ట్స్ ఆగిపోయాయి. ఇందుకు అనేక కారణాలున్నాయి. ప్రస్తుతం తెలుగు సినిమాకు జాతీయస్థాయి డిమాండ్ ఉంది. ఇప్పుడైనా ఈ దర్శకుల డ్రీమ్ ప్రాజెక్ట్స్ తెరకెక్కుతాయేమో చూడాలి. అలా దర్శకుల వద్ద ఉండిపోయిన కథలు, ఆగిపోయిన సినిమాలు చూద్దాం..
రాజమౌళి: ‘మహాభారతం’ తెరకెక్కించలనేదీ ఈ దర్శకుడి డ్రీమ్. భారీ బడ్జెట్, క్యాస్టింగ్, టైమ్ పిరియడ్.. వంటి అంశాలతో ప్రాజెక్టును ప్రస్తుతానికి పక్కకు పెట్టారు.
పూరి జగన్నాధ్: ‘జనగణమన’ గురించి ప్రకటించి.. కథ రెడీ చేసి మహేశ్ తో తెరకెక్కిస్తున్నట్టు అనౌన్స్ చేసి ఐదేళ్లు దాటింది. కానీ.. ముందుకెళ్లలేదు.
త్రివిక్రమ్: ‘కోబలి’ పేరుతో పవన్ కల్యాణ్ తో తెరకెక్కిస్తున్నట్టు ఏనిమిదేళ్ల క్రితమే వార్తలొచ్చాయి. కానీ ప్రాజెక్టు ముందుకెళ్లలేదు. దాదాపు 25 ఏళ్ల క్రితమే త్రవిక్రమ్ రాసుకున్న కథకు అప్పట్లోనే 500 కోట్లు బడ్జెట్ తేలిందని సునీల్ ఓ ఇంటర్వ్యూలో చెప్పాడు. దాని గురించి త్రివిక్రమ్ ఎప్పుడూ చెప్పలేదు.
గుణశేఖర్: గోన గన్నారెడ్డి, హిరణ్యకశిప.. ఈ రెండు సినిమాల్లో హిరణ్యకశిప రానాతో తెరకెక్కే అవకాశం ఉంది. గోనగన్నారెడ్డి ఊసు ప్రస్తుతానికి లేదు.
సుకుమార్: శ్రీలంక మత్స్యకారులు చేపల వేటలో ఎదుర్కొన్న కష్టాలతో సినిమా చేయాలని భావించారు. కానీ.. కొన్ని కారణాలతో తెరకెక్కలేదు.
కొరటాల శివ: రామ్ చరణ్ తో ఓ సినిమా ప్రారంభోత్సవం జరిగి ఆగిపోయింది. కథలో కరెక్షన్స్ ఓకే అయితే.. సినిమా రెడీనే.
రామ్ గోపాల్ వర్మ: చిరంజీవితో దొర.. ది లార్డ్ అనే సినిమా అనుకున్నా.. ఆ ప్రాజెక్టు ముందుకెళ్లలేదు.
కృష్ణవంశీ: 1998లోనే వందేమాతరం పేరుతో చిరంజీవితో సినిమా అనుకున్నా.. బడ్జెట్ సమస్యలతో ముందుకెళ్లలేదు. రుద్రాక్ష అనే సినిమా కూడా ఇదే సమస్యతో ముందుకెళ్లలేదు.
బాలకృష్ణ: నర్తనశాల సినిమా ప్రారంభించినా.. సౌందర్య మరణంతో ఆగిపోయింది.
పవన్ కల్యాణ్: స్వీయ దర్శకత్వంలోనే సత్యాగ్రహి ప్రారంభిస్తున్నట్టు పోస్టర్ వేశారు. కానీ ఆగిపోయింది.
కోడి రామకృష్ణ: బాలకృష్ణతో విక్రమసింహ అనే సినిమా తెరకెక్కించాలని భావించినా వర్కౌట్ కాలేదు.
సురేశ్ కృష్ణ: చిరంజీవితో అబు.. బాగ్దాద్ గజదొంగ కొంతభాగం షూటింగ్ జరిగి.. ఆగిపోయింది.
జీసస్ క్రైస్ట్ జీవితచరిత్రలో ఓ భాగంతో పవన్ కల్యాణ్ తో సినిమా అనుకున్నారు నిర్మాత కొండా కృష్ణం రాజు. కానీ.. వర్కౌట్ కాలేదు.