Leafy Vegetables: ఆకుకూరలు ఆరోగ్యానికి శ్రేయస్కరం. ప్రతిరోజు ఆకుకూరలు కూరగాయలు తినడం వల్ల మన ఆరోగ్యాన్ని అని కాపాడుకోవచ్చు. ఆకుకూరలలో మన ఆరోగ్యానికి అవసరమైన అనేక రకాల పోషక విలువలు ఉంటాయి. దేశమంతటా కరోనా శరవేగంగా వ్యాప్తి చెందుతోంది. ఇటువంటి సమయంలో శరీరానికి రోగ నిరోధక శక్తి చాలా అవసరం. శరీరంలో రోగనిరోధక శక్తి పెంచటానికి ఆకుకూరలు ఎంతగానో సహాయపడతాయి. మనకు ఏ ఆకు కూర వల్ల ఎటువంటి ప్రయోజనం ఉంటుందో తెలుసుకుందాం.
పాలకూరలో యాంటీ ఆక్సిడెంట్స్, విటమిన్స్ , మినరల్స్ పుష్కలంగా ఉంటాయి. పాలకూరలో ఫైబర్ కంటెంట్ ఎక్కువగా ఉంటుంది. ప్రతిరోజు మనం తీసుకునే ఆహారం పాలకూర చేర్చటం వల్ల శరీరంలో రోగ నిరోధక శక్తి పెరుగుతుంది. పాలకూరలో ఫైబర్ ఉండటం వల్ల జీర్ణ సంబంధిత వ్యాధులు దరిచేరకుండా ఉంటాయి. పాలకూరలో విటమిన్ కె కూడా సమృద్ధిగా ఉంటుంది.
మెంతికూర రుచి చేదుగా ఉన్నప్పటికీ వీటిలో ఎన్నో పోషకాలు దాగి ఉంటాయి. మెంతికూరలో ఆస్కార్బిక్ ఆమ్లం, బీటా కెరోటిన్ , యాంటీ ఆక్సిడెంట్స్ పుష్కలంగా ఉంటాయి. మెంతులు బిపి , షుగర్, అధిక బరువు సమస్యతో బాధపడేవారికి ఎంతో మేలు చేస్తాయి.
తోటకూరలో ఆరోగ్యానికి అవసరమైన కార్బొహైడ్రేట్లు, ప్రొటీన్లు, కొవ్వులు, పీచు ఎక్కువగా ఉంటాయి. తోటకూర తినకపోవడం వల్ల ఇవన్నీ మన శరీరానికి లభించువు. తోటకూరలో విటమిన్స్ , మినరల్స్ సోడియం , పొటాషియం సమృద్ధిగా ఉంటాయి. ప్రతిరోజు మనం తీసుకునే ఆహారంలో ఏదో ఒక రూపంలో ఆకుకూరలు తీసుకోవడం వల్ల ఆరోగ్యానికి చాలా మేలు చేస్తాయి.
చాలా మంది ముల్లంగి ఆకులను పారేస్తూ ఉంటారు. కానీ ముల్లంగి ఆకులలో కూడా ఆరోగ్యానికి అవసరమైన అనేక రకాల పోషకాలు ఉంటాయి. ముల్లంగి ఆకులలో క్యాలరీలు తక్కువగా ఉండి ఫైబర్ శాతం ఎక్కువగా ఉంటుంది. ఇవి జీర్ణ సంబంధిత వ్యాధులు దరిచేరకుండా కాపాడుతాయి.