Carrot Juice: కూరగాయలు, ఆకుకూరలు ఆరోగ్యానికి అవసరమైన అనేక రకాల పోషకాలు దాగివున్నాయి.వీటిని ప్రతిరోజు మనం ఆహారంగా తీసుకోవటం వల్ల అనేక ఆరోగ్య సమస్యల బారిన పడకుండా మన ఆరోగ్యాన్ని కాపాడవచ్చు.ముఖ్యంగా మార్కెట్లో అన్ని సీజన్లలో లభించే క్యారెట్లు అతి తక్కువ ధరలో మనకి అందుబాటులో ఉంటాయి. క్యారెట్ లలో మన ఆరోగ్యానికి అవసరమైన అనేక రకాల పోషకవిలువలు ఉంటాయి.వీటిలో విటమిన్ సి, విటమిన్ ఎ, విటమిన్ కె, ఫైబర్, ప్రోటీన్స్ సమృద్ధిగా ఉంటాయి. ప్రతిరోజు క్యారెట్ పచ్చిగా తినడం, జ్యూస్ చేసుకొని తాగడం వల్ల కలిగే ఆరోగ్య ప్రయోజనాలు గురించి ఇప్పుడు మనం తెలుసుకుందాం.
క్యారెట్ లలో క్యాలరీలు, పిండిపదార్థాలు తక్కువ మోతాదులో ఉంటాయి. క్యారెట్ లో ఉండే విటమిన్ ఎ కంటి ఆరోగ్యాన్ని మెరుగుపరచడంలో ఉపయోగపడుతుంది. విటమిన్ ఏ ఎక్కువగా బీటా కెరోటిన్ వంటి ప్రొవిటమిన్ A కెరోటినాయిడ్ల రూపంలో ఉంటుంది. అతినీలలోహిత కిరణాల నుండి కళ్ళను రక్షించే కెరోటినాయిడ్స్ క్యారెట్ జ్యూస్ లో సమృద్ధిగా ఉంటాయి. తరచూ క్యారెట్ జ్యూస్ తాగడం వల్ల వయసు పెరిగే కొద్దీ వచ్చే కంటి చూపు సంబంధిత సమస్యలను అదుపు చేయవచ్చు.
క్యారెట్ జ్యూస్ లో విటమిన్ ఎ విటమిన్ సి ఎక్కువగా ఉండటం వల్ల ఇవి యాంటీ ఆక్సిడెంట్లుగా పని చేస్తాయి. ఇవి శరీరంలో రోగనిరోధక శక్తిని పెంపొందించి ఫ్రీరాడికల్స్ తో పోరాడుతాయి. క్యారెట్ జ్యూస్ లో ఉండే యాంటీ ఆక్సిడెంట్లు ప్రీ రాడికల్స్ తో పోరాడి క్యాన్సర్ వ్యాధి బారిన పడకుండా కాపాడుతాయి. పరిశోధకులు చేసిన ఒక అధ్యయనంలో గంటల తరబడి క్యారెట్ జ్యూస్ ఎక్స్ట్రాక్ట్లతో లుకేమియా కణాలకు చికిత్స చేయడం వల్ల క్యాన్సర్ కణాల మరణించి, కణాల పెరుగుదల ఆగిపోయినట్లు పరిశోధకులు కనుగొన్నారు.
టైప్2 డయాబెటిస్ తో బాధపడేవారు పులియబెట్టిన క్యారెట్ జ్యూస్ తాగడం వల్ల అందులో ఉన్న ప్రోబయోటిక్స్ రక్తంలో షుగర్ లెవెల్స్ అదుపులో ఉంచుతాయి. అంతే కాకుండా క్యారెట్ జ్యూస్ లో ఉండే పొటాషియం, యాంటీ ఆక్సిడెంట్లు అధిక రక్తపోటు సమస్యను తగ్గించి గుండె జబ్బులు దరి చేరకుండా కాపాడుతాయి. క్యారెట్ జ్యూస్ లో చర్మసౌందర్యాన్ని రెట్టింపు చేసే బీటా కెరోటిన్ ఉంటుంది. ఇందులో ఉండే కెరోటినాయిడ్స్ అతి నీల లోహిత కిరణాల నుండి చర్మాన్ని సంరక్షిస్తాయి.