Health Tips: ప్రస్తుత కాలంలో శారీరక శ్రమ తగ్గి ఆహారపు అలవాట్లలో మార్పులు రావటం వల్ల చిన్న వయసులోనే అనేక రకాల రోగాల బారిన పడుతున్నారు. ఇలాంటి వాటిలో ఒకటి ఫైల్స్ వ్యాధి. దీనిని మొలల వ్యాధి లేదా హెమరాయిడ్స్ అని కూడా అంటారు. ఈ వ్యాధితో బాధపడే వారిలో మలవిసర్జన సమయంలో మలద్వారం గుండా విపరీతమైన నొప్పితో కూడిన రక్తస్రావం జరగడం, మలద్వారం చుట్టూ వాపు రావడం వంటి లక్షణాలు ఉంటాయి. ఈ సమస్య ఉన్నవారు ఎక్కువ సేపు కూర్చోలేరు. ఇంకా కొంతమంది ఎక్కువ సేపు నిల్చొని ఉండలేరు.
పైల్స్ సమస్య ఉన్నవారు ఆ సమస్యను బయటకు చెప్పుకోలేక లోలోపల ఎంతో మానసిక క్షోభను అనుభవిస్తున్నారు. వాస్తవానికి అలా చేయడం చాలా తప్పు. ఇలా చేయడం వల్ల వారి ఆరోగ్యం ఇంకా క్షీణించే ప్రభావం ఉంది. చాలామంది పైల్స్ నివారణకు ఆపరేషన్ వంటివి చేయించుకుంటారు, మరికొంతమంది హోమియోపతి మందులు వాడుతుంటారు. అయితే నాచురల్ పద్ధతిలో కూడా పైల్స్ ను నివారించవచ్చు. అలాంటి వాటిలో దానిమ్మ తొక్క. దానిమ్మ గింజల లోనే కాదు వాటి తొక్కలలో కూడా ఎన్నో ఔషధ గుణాలు ఉన్నాయి.
దానిమ్మ తొక్కలో విటమిన్ ఏ, బి, సి, ఐరన్, క్యాల్షియం, మెగ్నీషియం తో పాటు యాంటీ బ్యాక్టీరియల్, యాంటీ ఫంగల్, యాంటీ ఆక్సిడెంట్లు పుష్కలంగా లభిస్తాయి. ఇన్ని ఔషధ గుణాలు ఉన్న దానిమ్మ తొక్కను పైల్స్ నివారణకు ఎలా ఉపయోగించాలి అనేది ఇక్కడ చూద్దాం. దానిమ్మ తొక్కలను బాగా ఎండబెట్టి వాటిని పౌడర్ చేసుకోవాలి. ఆ పౌడర్ లోకి కొంచెం బెల్లం వేసి వాటిని మిక్సీ పట్టాలి. ఈ మిశ్రమాన్ని చిన్న చిన్న ఉండలుగా చేసుకొని ప్రతిరోజు ఉదయం ఒకటి సాయంత్రం ఒకటి తీసుకుంటే నెమ్మదిగా పైల్స్ తగ్గుముఖం పడతాయి.
దానిమ్మ తొక్కపొడి ఆడవారికి కూడా ఎంతగానో ఉపయోగపడుతుంది. నెలసరి సమయంలో విపరీతమైన కడుపునొప్పితో ఇబ్బంది పడేవారు దానిమ్మ తొక్కల పొడి తీసుకోవడం వల్ల ఆ నొప్పి నుండి ఉపశమనం లభిస్తుంది. దానిమ్మ తొక్కలను ఎండబెట్టి నిల్వ చేసిన పొడిని తీసుకొని నెలసరి సమయంలో ఒక గ్లాస్ నీటిలో ఒక స్పూన్ దానిమ్మ తొక్క పొడి కలిపి నెలసరి సమయంలో తాగితే ఎటువంటి నొప్పి అయిన తగ్గిపోతుంది.