Gallery

Home News తెలంగాణ రాజకీయాల్లో మరో భారీ కుదుపు తప్పదా.?

తెలంగాణ రాజకీయాల్లో మరో భారీ కుదుపు తప్పదా.?

Massive Tremors In Telangana Politics Soon?ఈటెల రాజేందర్ తర్వాత ఎవరు.? అన్న చర్చ తెలంగాణ రాష్ట్ర సమితిలో జోరుగా వినిపిస్తోంది. మీడియాలో వినిపిస్తున్న ఊహాగానాల ప్రకారం మంత్రి జగదీష్ రెడ్డి పేరు బాగా ప్రచారంలోకి వచ్చిందని అనుకోవాలేమో. రేపో మాపో ఆయనకీ ‘ఊస్టింగ్’ తప్పదంటూ రాజకీయ వర్గాల్లో గుసగుసలు వినిపిస్తున్నాయి.

ఈ విషయాన్ని కాంగ్రెస్ నేత, ఎంపీ రేవంత్ రెడ్డి సెటైరికల్ కోణంలో ట్వీటేయడం గమనార్హం. జగదీష్ రెడ్డి అలాగే రసమయి బాలకిషన్.. ఇలా కొందరి పేర్లు మీడియాలో నానుతున్నాయి.. వీళ్ళంతా తెలంగాణ రాష్ట్ర సమితికి గుడ్ బై చెప్పబోతున్నారని.

కొన్నాళ్ళ క్రితం ‘కాబోయే ముఖ్యమంత్రి కేటీఆర్..’ అంటూ ప్రచారం జరిగిన దరిమిలా, అప్పుడు కొందరు గులాబీ నేతలు, కేటీఆర్ మీద మమకారంతో ఆయనకు మద్దతు పలికితే, ఇంకొందరు కేసీఆర్ మీద వ్యతిరేకతతో కేటీఆర్ మీద అమితమైన అభిమానాన్ని ఒలకబోసేశారు.

ఈ వ్యవహారం కేసీఆర్ మదిలో ఓ బలమైన ముద్ర వేసేసింది. అప్పట్లోనే అందరికీ ఓ వార్నింగ్ కూడా కేసీఆర్ ఇచ్చేశారనే ప్రచారం జరిగింది. అప్పటినుంచే లెక్కలు తీసిన కేసీఆర్, పార్టీకి సమీప భవిష్యత్తులో ఫలానా నేతలు దెబ్బకొట్టే అవకాశం వుందని కొందరి పేర్లను ‘టిక్’ చేశారనీ, అందులోంచే ఈటెల రాజేందర్ పేరు ముందుగా తెరపైకి తెచ్చి, బయటకు పంపేశారని గులాబీ వర్గాల్లోనూ గుసగుసలు వినిపిస్తున్నాయి. అయితే, ఈటెల రాజేందర్ విషయంలో జరిగినట్లు, ఇంకెవరి విషయంలోనూ జరగదని గులాబీ నేతలు పైకి బలంగా చెబుతున్నారు.

ఈటెల వ్యవహారాన్ని దేనితోనూ ముడిపెట్టకూడదట. పార్టీలో ఇప్పుడంతా కేసీఆర్ విధేయులే వున్నారట. జగదీష్ రెడ్డి విషయంలో జరుగుతున్నదంతా దుష్ప్రాచరమేనట. ఏమో, రాజకీయాల్లో ఏదైనా సాధ్యమే. ఇప్పుడిలా.. రేప్పొద్దున్న ఈక్వేషన్ ఎలా మారిపోతుందో ఏమో.!

- Advertisement -

Related Posts

పోరు గడ్డపై ఉప పోరు

ఉద్యమాలకు పుట్టినిల్లు తెలంగాణ. ఉద్యమాల పురిటిగడ్డ కరీంనగర్. తెలంగాణ ప్రత్యేక రాష్ట్ర సాధన కోసం కూడా అప్పట్లో టీఆర్ఎస్ అధినేత కె.చంద్రశేఖర్రావు కూడా కరీంనగర్నే సెంటిమెంట్ జిల్లాగా ఎంచుకున్నాడు. ఇక్కడి నుంచే మలి...

కేంద్ర మంత్రిగా జనసేనాని పవన్ కళ్యాణ్.. అంత సీన్ వుందా.?

గ్రేటర్ హైద్రాబాద్ ఎన్నికల్లో బీజేపీతో పొత్తు పెట్టుకుని అరడజను సీట్లలో పోటీ చేసే అవకాశమూ దక్కించుకోలేకపోయింది జనసేన పార్టీ. బీజేపీ కంటే ఓట్ల శాతం పరంగా మెరుగ్గానే వున్నా, తిరుపతి ఎంపీ టిక్కెట్టుని...

యాక్షన్ షురూ చేసిన సీఎం జగన్ ! త్వరలో ‘RRR’పై వేటు ఖాయం !

గత కొంతకాలం నుండి వైసీపీ పార్టీ, సీఎం జగన్ మీద సొంత పార్టీ ఎంపీ ర‌ఘురామ కృష్ణంరాజు ఎదురుదాడి చేస్తూ ప్రభుత్వాన్ని ఇరకాటంలో పడేస్తున్నారు. ఇంత జరుగుతున్నా అధ్యక్షుడు మిన్నకుండి పోవటంతో నాయకుల,...

Latest News