ఆంధ్రప్రదేశ్ రాష్ట్రంలో రోడ్లు బాగోకపోవచ్చు.. తెలంగాణలో అద్భుతంగా వున్నాయా.? ఏపీలో టీచర్లను ప్రభుత్వం వేధిస్తోందట. మరి, తెలంగాణలో వివిధ వర్గాలు ఎందుకు ఆందోళనలు చేస్తున్నట్లు.? ఇలా బోల్డన్ని ప్రశ్నలు తెరపైకొస్తున్నాయ్.
కెలుక్కోవడమంటే ఇదే మరి.! వైసీపీ మద్దతుని తెరవెనుకాల తీసుకుంటూ, వచ్చే ఎన్నికల్లో కాస్త తేలిగ్గానే గట్టెక్కేసే అవకావం వుంది తెలంగాణ రాష్ట్ర సమితికి. అలా జరిగితే తెలంగాణ రాష్ట్ర సమితి ముచ్చటగా మూడోసారి అధికారంలోకి వచ్చినట్లవుతుంది.
కానీ, తెలంగాణ రాష్ట్ర సమితి పక్క రాష్ట్రాన్ని గెలికామనుకుని, తమను తామే కెలికేసుకుంటోంది.. తమ విజయావకాశాల్ని దెబ్బ తీసుకుంటోంది. ‘డ్యామేజీ చాలా ఎక్కువ జరిగిపోయింది..’ అంటూ ఇప్పుడు తెలంగాణ రాష్ట్ర సమితిలో అంతర్గతంగా చర్చ జరుగుతోంది. వాస్తవానికి వైసీపీ నేతలు కొంత సంయమనం పాటిస్తున్నట్లే లెక్క. సంయమనం కోల్పోతే, వ్యవహారం వేరే లెవల్‌లో వుంటుంది తెలంగాణ రాష్ట్ర సమితికి.