ఆధునిక కాలంలో ప్రజల జీవితాలు, వారి జీవనశైలి చాలా తీవ్రంగా మారిపోయాయి. ఫలితంగా ఎక్కువ మోతాదులో ప్రజలు అనారోగ్య సమస్యలకు గురవుతున్నారు. చిన్న వయసులోనే గుండె జబ్బులు, క్యాన్సర్, ఊపిరితిత్తుల ఇన్ఫెక్షన్లు, మొదలైన వాటిలాగానే మహిళలు కొన్ని శారీరక సమస్యలతో సతమతమవుతున్నారు.
వాటిలో ఒకటి PCOS అనగా పాలిసిస్టిక్ ఓవేరియన్ సిండ్రోమ్ లేదా అండాశయతిత్తి అని కూడా అంటారు. ఇది ఎక్కువగా 13 నుండి 35 సంత్సరాల వయసు గల మహిళలో ఎక్కువగా కనిపిస్తుంది. 2012 WHO సర్వే ప్రకారం , ప్రపంచవ్యాప్తంగా 117 మిలియన్ల మహిళలు ఈ వ్యాది బారిన పడినట్టు చెప్తున్నారు. భారతదేశంలో దాదాపుగా ప్రతి 10 శాతం మంది మహిళలు దీనితో బాధపడుతున్నారు. నిపుణులు చెప్తున్న ప్రకారం ప్రతి 5 మంది మహిళలలో ఒకరు PCOS ద్వారా ఇబ్బంది పడుతున్నారు.
PCOS లక్షణాలు ఏంటంటే, మహిళల అండాశయాల లో చాలా గుడ్లు ఉంటాయి, అవి బయటకు రావు. ఆ గుడ్డు కణాలు తిత్తులుగా కనిపిస్తాయి, దీని వలన శరీరంలో చాలా రకాల సమస్యలు తలెత్తుతాయి. దీనినే PCOS అంటారు. ఈ వ్యాధి సంక్రమించినపుడు అధిక బరువు పెరగటం, క్రమరహిత పీరియడ్స్ లేదా పీరియడ్స్ రాకపోవడం, తలముందు నుండి జుట్టు రాలడం, ముఖం మీద జుట్టు పెరగటం, మొటిమలు విపరీతంగా రావటం వంటివి లక్షణాలు.
దీనిని నియంత్రించడానికి ఆహారపు అలవాట్లను మార్చుకుంటే సులువుగా నియంత్రించవచ్చు. తక్కువ మొత్తంలో కార్బోహైడ్రేట్లు, ప్రొటీన్లు, ఫైబర్, ఆరోగ్యకరమైన కొవ్వులు చేరడం వలన షుగర్ లెవెల్స్ ను కంట్రోల్ చేసుకోవచ్చు. చిరు తిండ్లు, ఫాస్ట్ ఫుడ్స్, స్నాక్స్ తగ్గించి ఎక్కువ ప్రొటీన్లు,యాంటీఆక్సిడెంట్స్, పండ్ల ముక్కలు, కూరగాయలు, విటమిన్లు ఉన్న ఆహారాన్ని తీసుకోండి. పసుపు, రోజ్మెరి, అల్లం, వెల్లుల్లి, తులసి, కారము వంటి ఇతరత్రా వాటిని ఆహరంలో భాగం చేసుకోవాలి.