Thulasi Side Effects: ఆయుర్వేదంలో తులసికి ప్రత్యేక గుర్తింపు ఉంది. తులసి ఆకులను తినడం వల్ల అనేక వ్యాధుల బారిన పడకుండా కాపాడుకోవచ్చు. తులసిలో అనేక ఔషధ గుణాలు ఉన్నాయి. తులసి మొక్క ప్రతి ఇంట్లో సులభంగా లభిస్తుంది. తులసి వల్ల అనేక ఆరోగ్య ప్రయోజనాలు ఉన్నాయి. ఆయుర్వేదంలో తులసి ఆకులను అనేక వ్యాధులను నయం చేయడానికి వినియోగిస్తారు. కానీ కొన్ని ప్రత్యేక పరిస్థితులలో తులసి వినియోగం మీకు ఇబ్బందులను తెచ్చిపెడుతుందని నిపుణులు హెచ్చరిస్తున్నారు. కొంతమంది తులసి ఆకులకు దూరంగా ఉండటం మంచిదని ఆయుర్వేద నిపుణులు హెచ్చరిస్తున్నారు. ఏదైనా మితంగా తినడం ఆరోగ్యం. తులసి ఆకులను తినడం వల్ల అలాంటి వారికి ఎటువంటి సమస్యలు వస్తాయి అనేది తెలుసుకోండి.
గర్భిణీ స్త్రీలు తులసిని తీసుకోకపోవడం మంచిది. తులసి లో శరీర వేడిని పెంచే గుణాలు ఉంటాయి. యూజినాల్ అనే సమ్మేళనం తులసి లో ఉంటుంది. దీని కారణంగా గర్భంలో సంకొచం ఉంటుంది, ఫలితంగా గర్భిణులలో రక్తస్రావం జరిగే ప్రమాదం ఉంది. గర్భిణీలు తులసిని వినియోగించే ముందు డాక్టర్ని సంప్రదించడం మంచిది.
ఆకులలో పాదరసం ఉంటుంది. తులసి ఆకులను ఎప్పుడు పళ్ళతో నమలకూడదు. దీనివల్ల దంతాలు దెబ్బతింటాయి. తులసి ఆకులలో ఆర్సేనిక్ అనే సమ్మేళనం కూడా ఉంటుంది, ఇది దంతాలను దెబ్బతీస్తుంది. తులసిని టీ లేదా నీటిలో ఉడకబెట్టి తాగడం మంచిది.
రక్తస్రావం అవుతున్న వారు తులసి ఆకులు తినడం వల్ల రక్తస్రావం అధికం అవుతుంది. ఏదైనా శస్త్ర చికిత్స చేసుకోబోతున్నట్లు అయితే దానికి కొన్ని గంటల ముందు తులసి ఆకులను తినకూడదు. తులసి ఆకులను అధికంగా తినటం వల్ల స్త్రీ, పురుషులలో సంతాన ఉత్పత్తి పై ప్రభావం పడుతుంది అని నిపుణులు వివరిస్తున్నారు. దీనిని ఎక్కువగా తినడం వల్ల స్పెర్మ్ కౌంట్ తగ్గుతుంది.