Black Guava: సాధారణంగా పండ్లలో ఎన్నో పోషకాలు ఉంటాయి అనే విషయం మనకు తెలిసిందే. ఈ క్రమంలోనే పండ్లలో ఒకటైన జామపండులో వివిధ పోషక విలువలు ఎన్నో దాగి ఉంటాయి. జామ పండులో మాత్రమే కాకుండా జామ చెట్టు బెరడు,ఆకులలో కూడా ఎన్నో ఆరోగ్య ప్రయోజనాలు దాగి ఉన్నాయి కనుక ఎన్నో రకాల ఆరోగ్య సమస్యలకు వీటి నుంచి విముక్తి పొందవచ్చు అని మనం ఇదివరకు తెలుసుకుందాం. అయితే ఇప్పటివరకు మనం ఆకుపచ్చ రంగు లేదా తెలుపు రంగులో ఉన్నటువంటి జామ పండ్లను మాత్రమే చూసి ఉంటాం.
ప్రస్తుతం మార్కెట్లోకి నలుపు రంగులో ఉండే జామ పండ్లు కూడా అందుబాటులోకి వచ్చాయి. నల్ల జామపండు చూడటానికి బయట వైపు నలుపురంగులో ఉన్నప్పటికీ లోపల గులాబి రంగులో ఉంటుంది. ఇందులో సాధారణ జామపండుతో పోలిస్తే మూడు రెట్లు అధికంగా పోషక విలువలు ఉంటాయి. ఇలా అధిక పోషక విలువలు కలిగిన ఈ నల్ల జామను తినడం వల్ల ఎన్నో రకాల సమస్యల నుంచి విముక్తి పొందవచ్చు.
నల్ల జామలో అధికంగా యాంటీ ఆక్సిడెంట్ గుణాలు ఉండటం వల్లఎన్నో రకాల సమస్యల నుంచి విముక్తి కల్పిస్తాయి అలాగే ఇందులో క్యాల్షియం ఐరన్ అధిక మొత్తంలో లభించడం వల్ల రక్తహీనత సమస్య నుంచి మనల్ని కాపాడుతుంది.అలాగే విటమిన్ ఏ అధికంగా లభించడం వల్ల కంటి చూపును మెరుగు పరచడం కాకుండా ఏ విధమైనటువంటి కంటి సమస్యలు లేకుండా కాపాడుతుంది.నల్ల జామకాయ లో ఫైబర్ గుణాలు అధికంగా ఉండటం వల్ల జీవిత క్రియ వ్యవస్థను మెరుగు పరిచి ఎలాంటి జీర్ణక్రియ సమస్యలు లేకుండా కాపాడటమే కాకుండా మలబద్ధకాన్ని కూడా నివారిస్తుంది.నల్ల జామపండు వల్ల కేవలం ఆరోగ్య ప్రయోజనాలు మాత్రమే కాకుండా ఎన్నో సహజ సౌందర్య ప్రయోజనాలు కూడా ఉన్నాయి. నల్ల జామ పండ్లను తరచూ తినడం వల్ల మొహం పై ఏర్పడిన ముడతలు తొలగిపోయి నిత్యం యవ్వనంగా ఉండటానికి దోహదం చేస్తుంది.