Health Tips: వేసవి కాలంలో పెరుగుతున్న అధిక ఉష్ణోగ్రతల కారణంగా చాలామంది ఏసీ, కూలర్ ఉపయోగిస్తూ ఉంటారు.ప్రస్తుత ఉష్ణోగ్రతలు 40 డిగ్రీల సెల్సియస్ ఉండటం వల్ల ప్రజలు బాగా అలవాటు పడుతున్నారు. ఇల్లు ఆఫీస్ కార్లలో కూడా ఏసీలు లేనిదే ఉండలేకపోతున్నారు. కానీ ఏసీ లో ఎక్కువ సమయం ఉండటం వల్ల ఆరోగ్య సమస్యలు తప్పవని నిపుణులు హెచ్చరిస్తున్నారు. ఏసీ గదుల్లో ఎక్కువ సమయం ఉండటం వల్ల వచ్చే ఆరోగ్య సమస్యల గురించి ఇప్పుడు మనం తెలుసుకుందాం.
ముఖ్యంగా ఆస్తమా, అలర్జీ వంటి సమస్యలతో బాధపడేవారు ఎక్కువగా ఉండటం ప్రమాదం. సాధారణంగా ఇంట్లో కాలుష్యం నివారించడానికి ఏసీ అమర్చుకుంటారు. కానీ ఏసీ తరచూ శుభ్రం చేయకపోతే ఆస్తమా, అలర్జీ సమస్యలతో బాధపడే వారికి సమస్య తీవ్రత ఎక్కువ అయ్యే ప్రమాదం ఉంటుంది. సెన్సిటివ్ స్కిన్ ఉన్నవారు ఏ సీ లో ఎక్కువగా ఉండటం వల్ల చర్మం పొడిబారే ప్రమాదం కూడా ఉంటుంది.
ఎక్కువ సమయం ఏసీ గదుల్లో ఉండటం వల్ల శ్వాస సంబంధిత సమస్యలు తలెత్తే ప్రమాదం ఉంటుంది. అంతేకాకుండా ఏసీ కథలలో ఎక్కువగా ఉండటం వల్ల డీహైడ్రేషన్ బారిన పడే ప్రమాదం కూడా ఉంటుందని నిపుణులు హెచ్చరిస్తున్నారు. డీహైడ్రేషన్ కారణంగా తలనొప్పి, మైగ్రేన్ సమస్యలు వచ్చే ప్రమాదం ఉంటుంది. డ్రై ఐ సిండ్రోమ్ సమస్యతో బాధపడేవారు ఎక్కువసేపు ఏసీలో వల్ల కంటి చూపు సమస్యలు తలెత్తుతాయి.