Health Tips: ప్రస్తుత కాలంలో ఆహారపు అలవాట్లలో మార్పు, వాతావరణ కాలుష్యం, విషపూరిత ఆహారం తీసుకోవడం వల్ల అనేక ఆరోగ్య సమస్యలు వెంటాడుతుంటాయి.ప్రస్తుత కాలంలో అందరినీ ఎక్కువగా ఇబ్బంది పెడుతున్న సమస్యలలో క్యాన్సర్ సమస్య కూడా ప్రధానమైనది. శరీరంలోని అనేక భాగాల మీద ఈ వ్యాధి దాడి చేస్తుంది. వివిధ రకాల క్యాన్సర్ల తో ప్రతి ఏటా ఎంతోమంది ప్రాణాలు కోల్పోతున్నారు. అటువంటివాటిలో బ్లడ్ క్యాన్సర్ కూడా ఎంతో ప్రమాదకరమైనది.
శరీరంలో రక్త హీనత వల్ల సమస్య తలెత్తుతుంది. దీనినే బ్లడ్ క్యాన్సర్ అని కూడా అంటారు. సాధారణంగా శరీరంలోని తెల్ల రక్త కణాలు శరీరానికి కావాల్సిన వ్యాధినిరోధక శక్తిని అందించి ఎటువంటి రోగాల బారిన పడకుండా కాపాడుతాయి. కానీ శరీరంలో తెల్లరక్తకణాల సంఖ్య అధిక మొత్తంలో పెరగటం వల్ల బ్లడ్ క్యాన్సర్ వ్యాధి సంభవిస్తుంది. శరీరంలో తెల్ల రక్త కణాల సంఖ్య పెరిగినప్పుడు సకాలంలో వైద్యం అందించాలి.
సాధారణంగా అనేక రకాల క్యాన్సర్ వ్యాధులు వంశపారంపర్యంగా వ్యాప్తి చెందుతాయి కానీ బ్లడ్ క్యాన్సర్ మాత్రం జన్యుపరంగా వ్యాప్తి చెందే వ్యాది కాదు. సాధారణంగా తెల్లరక్తకణాలు ఎముకల మజ్జులో ఉత్పత్తి అవుతుంటాయి. అధిక మొత్తంలో తెల్ల రక్త కణాలు ఉత్పత్తి అవడం వల్ల తరచూ ఎముకలు నొప్పి సమస్య వేధిస్తూ ఉంటుంది ఈ లక్షణాలు గమనించిన వెంటనే డాక్టర్ ని సంప్రదించటం శ్రేయస్కరం.
బ్లడ్ క్యాన్సర్ వ్యాధి తొలిదశలో ఉన్నప్పుడు కీమోథెరపీ, రేడియోథెరపీ చికిత్స అందిస్తారు. వ్యాధి తీవ్రత ఎక్కువగా ఉన్న సమయాలలో బోన్ మ్యారో ట్రాన్స్ప్లాంటేషన్ ఇలా చేయడం ద్వారా రోగిని కాపాడవచ్చు.