Health Tips: సాధారణంగా సోపు హోటల్ లో మౌత్ ఫ్రేశ్నర్ గా ఉపయోగిస్తారు. అంతే కాకుండా కిల్లీ లో కూడా వీటిని ఎక్కువగా ఉపయోగిస్తారు. ఈ సోపు మౌత్ ఫ్రెష్నర్ గా మాత్రమే కాకుండా సోపు నీటిని ప్రతి రోజూతాగడం వల్ల కూడా ఎన్నో ఆరోగ్య ప్రయోజనాలు ఉన్నాయని వైద్యులు సూచిస్తున్నారు.ప్రతిరోజు ఉదయం సోపు నీటిని తాగడం వల్ల కలిగే ఆరోగ్య ప్రయోజనాలు గురించి తెలుసుకుందాం.
సోపు గింజలలో క్యాల్షియం, పొటాషియం, ఐరన్, ఫైబర్, సోడియం వంటి మూలకాలు పుష్కలంగా ఉంటాయి. వీటివల్ల ఆరోగ్యానికి ఎన్నో ఉపయోగాలు ఉన్నాయి. సోపు గింజల లో ఫైబర్ ఎక్కువగా ఉండటం వల్ల మీ శరీర బరువును తగ్గించడంలో ఎంతో ఉపయోగపడతాయి.రాత్రి పూట ఒక గ్లాస్ నీటిలో రెండు టేబుల్ స్పూన్ల సోపు వేసి రాత్రి మొత్తం నానబెట్టాలి.అధిక బరువు సమస్యతో బాధపడేవారు ప్రతిరోజూ ఉదయం ఆ నీటిని తాగటం వల్ల అధిక బరువు సమస్య నుండి విముక్తి పొందవచ్చు.
ఉదర సంబంధిత సమస్యలకు కూడా సోపు నీరు మంచి ఔషధంలా పనిచేస్తుంది. ప్రతి రోజూ ఉదయం ఒక గ్లాసు సోపు నీరు తాగటం వల్ల జీర్ణ వ్యవస్థ పనితీరు మెరుగు పడి మలబద్ధకం, అజీర్తి వంటి సమస్యలు తగ్గుముఖం పడతాయి.
సోపు గింజల లో పొటాషియం ఎక్కువగా ఉంటుంది. ప్రతిరోజు ఉదయం ఆ నీటిని తాగటం వల్ల అధిక రక్తపోటు సమస్యతో బాధపడేవారికి రక్త పోటు సమస్యను అదుపులో ఉంచవచ్చు.
సోపు గింజలలో పొటాషియం, ఫైబర్ వంటి కారకాలు ఉంటాయి. ప్రతిరోజూ ఉదయం ఖాళీ కడుపుతో సోపు నీరు తాగటం వల్ల శరీరంలోని చెడు కొలెస్ట్రాల్ తగ్గించి రక్త ప్రసరణ సక్రమంగా జరిగేలా చేస్తాయి.ఫలితంగా గుండె సంబంధిత సమస్యలు తలెత్తే ప్రమాదం తగ్గుతుంది.