Health Benifits: పూర్వం నీరు తాగటానికి రాగి చెంబు, రాగి గ్లాసులు వినియోగించేవారు. రాగి పాత్రలో ఉంచిన నీరు తాగడం వల్ల ఎన్నో ఆరోగ్య ప్రయోజనాలు కలిగేవి. కానీ ప్రస్తుత కాలంలో ప్లాస్టిక్ బాటిల్ లో ఉంచిన నీరు తాగటం అందరికీ బాగా అలవాటైపోయింది. కానీ ఈ అలవాటు వల్ల ఎన్నో ఆరోగ్య సమస్యలు తలెత్తే ప్రమాదం ఉంది. మనం ఆరోగ్యంగా ఉండాలంటే పోషక విలువలున్న ఆహారం తీసుకోవటం ఎంత అవసరమో..పరిశుభ్రమైన నీటిని తాగటం కూడా అంతే అవసరం. మనిషి శరీరం 70 శాతం నీటితో నిర్మితమై ఉంటుంది.
ఎక్కువ కాలం బాటిల్ లో ఉంచిన నీటిని తాగటం వల్ల ప్రమాదకరమా లేదా అన్న సందేహాలు చాలామందిలో వ్యక్తమవుతున్నాయి. ఈ విషయం గురించి ఢిల్లీలోని ధర్మశిలా నారాయణ సూపర్ స్పెషాలిటీ హాస్పిటల్లోని ఇంటర్నల్ మెడిసిన్ కన్సల్టెంట్ డాక్టర్ గౌరవ్ జైన్ మాట్లాడుతూ బాటిల్ లో మూత పెట్టి పంచిన నీటిలో కార్బన్డయాక్సైడ్ కలుస్తుంది. దీని వల్ల ఆరోగ్యానికి పెద్ద ప్రమాదం లేకపోయినా.. నీటిలోని పీహెచ్ స్థాయిలను తగ్గిస్తుందని ఆయన వెల్లడించారు.
వాటర్ బాటిల్, వాటర్ కంటెనర్లో నిలువ చేసిన నీటిని తాగటం వల్ల శరీరంలో వ్యాధినిరోధక శక్తి తగ్గుతుంది. ఎక్కువ కాలం నిలువ ఉంచిన నీటిని తాగటం శ్రేయస్కరం కాదని డాక్టర్ జైన్ వెల్లడించారు. ఎక్కువ కాలం నీరు నిల్వ ఉండటం వల్ల నీటిలో బ్యాక్టీరియా, ఇతర వైరస్ లు ఉత్పత్తి అయ్యే అవకాశాలు ఉన్నాయి. ఇలా బాటిల్స్, కంటైనర్ లో నిలువ ఉంచిన నీటిని తాగటం వల్ల అనేక ఆరోగ్య సమస్యలు తలెత్తే అవకాశం ఉందని వైద్య నిపుణులు సూచిస్తున్నారు.