వంటింటి రుచికి పునాది వేసే మసాలాల్లో ఎంతటి విలువైన రహస్యాలున్నాయో అందరికీ తెలిసిందే. కానీ వాటిలో ఒకటి మాత్రం ఇటీవల ప్రపంచ ఆరోగ్య నిపుణుల దృష్టిని విపరీతంగా ఆకర్షిస్తోంది. అదే నల్ల వెల్లుల్లి (Black Garlic) బయటకు చూస్తే పచ్చివెల్లుల్లి మాదిరే కనిపిస్తుంది.. కానీ లోపల మాత్రం నలుపు రంగుతో తీయటి రుచి, సూపర్ ఫుడ్ స్థాయి పోషకాలతో ఆరోగ్యానికి అపారమైన మేలు చేస్తుంది. ఇదే కారణంగా కొరియా, జపాన్, చైనా దేశాల్లో ఇది రోజువారీ ఆహారంలో భాగమైపోయింది. ఇప్పుడు మన దేశంలో కూడా దీని డిమాండ్ పెరుగుతోంది.
సాధారణ వెల్లుల్లిని కొన్ని డిగ్రీలు వేడి పెంచితే సరిపోదు… నల్ల వెల్లుల్లి తయారవ్వడానికి 60–90 డిగ్రీల సెల్సియస్ ఉష్ణోగ్రత, అధిక తేమ, 30–90 రోజుల పాటు నెమ్మదైన హీట్ తప్పనిసరి. ఈ రేర్ ప్రాసెస్ను మైలార్డ్ రియాక్షన్ అంటారు. ఈ రియాక్షన్ సమయంలో వెల్లుల్లిలో ఉండే సహజ చక్కెరలు, అమైనో యాసిడ్లు కలిసి కొత్త రుచిని, కొత్త రంగును సృష్టిస్తాయి. అలిసిన్ శాతం తగ్గి, యాంటీఆక్సిడెంట్లు పది రెట్లు పెరిగి, శరీరానికి మరింత శక్తినిచ్చే ఫుడ్గా మారుతుంది.
నల్ల వెల్లుల్లిలో ఉండే ఆ యాంటీఆక్సిడెంట్లు శరీరంలో పేరుకుపోయిన టాక్సిన్స్ను బయటకు పంపిస్తాయి. కణాల్లో వృద్ధాప్యాన్ని వేగంగా కలిగించే ఫ్రీ-రాడికల్స్ను అడ్డుకుంటాయి. అందుకే దీన్ని చాలా మంది “ఆంటీ ఏజింగ్ ఫుడ్” అని కూడా పిలుస్తున్నారు. దీన్ని క్రమంగా తింటే చర్మపు కాంతి మెరుగవడం, శక్తి పెరగడం, అలసట తగ్గడం వంటి మార్పులు స్పష్టంగా కనిపిస్తాయని డాక్టర్లు చెబుతున్నారు.
గుండె సంబంధిత సమస్యలున్న వారికి నల్ల వెల్లుల్లి నిజంగా వరం. దీంట్లోని పదార్థాలు బీపీని కంట్రోల్లో ఉంచి, చెడు కొలెస్ట్రాల్ (LDL) తగ్గిస్తాయి. ధమనుల్లో రక్తప్రసరణ సాఫీగా జరిగేలా చేస్తాయి. ఫలితంగా గుండెపై ఒత్తిడి తగ్గి, హార్ట్ ఎటాక్ మరియు స్ట్రోక్ ప్రమాదాలు గణనీయంగా తగ్గుతాయి. దీన్ని ప్రతిరోజు ఒకటి లేదా రెండు గుళికలంత తింటే చాలు… శరీరంలో అద్భుతమైన మార్పుల్ని అనుభవించవచ్చు.
భోజనం విషయంలో ఈ నల్ల వెల్లుల్లి ఉన్నత స్థాయి ఫ్లెక్సిబిలిటీ కలిగిఉంది. దీన్ని సలాడ్స్లో, సూప్స్లో, కూరల్లో, లేదా డైరెక్ట్గా స్నాక్లా కూడా తినవచ్చు. దీని తీపి రుచి పిల్లలకు కూడా ఇబ్బంది పెట్టదు. ముఖ్యంగా సాధారణ వెల్లుల్లి తినగానే కడుపులో మంట, అజీర్తి, గ్యాస్ సమస్యలు వచ్చే వారికి ఇది బాగానే సెట్ అవుతుంది. కారణం–అలిసిన్ శాతం తగ్గిపోవడం వల్ల ఇది జీర్ణక్రియకు చాలా మృదువుగా పనిచేస్తుంది.
అత్యంత ముఖ్యంగా ప్రపంచంలో అనేక పరిశోధనలు నల్ల వెల్లుల్లి డయాబెటిస్ను కంట్రోల్ చేయడంలో, కాలేయ పనితీరును మెరుగుపరచడంలో, మానసిక ఒత్తిడిని తగ్గించడంలో కూడా సహాయపడుతుందని చెప్తున్నాయి. అందుకే దీనిని చాలా దేశాలు “డైలీ హెల్త్ టానిక్”గా సూచిస్తున్నాయి. మన కిచెన్లో కూడా ఇప్పుడు అదే స్థానం సంపాదిస్తోంది.