మొక్కల పెంపకం మనసుకు ఉల్లాసాన్నిస్తాయి. పచ్చని మొక్కలు చూసి మనసు పులకరిస్తుంది. పెరట్లోనే కాదు.. చిన్న చిన్న ఇళ్లలో ఉండేవారు కూడా మొక్కల పెంపకంపై దృష్టి సారించడానికి కారణాలివే. మొక్కలు పువ్వుల్ని.. కొన్ని మొక్కలు కాయల్ని ఇవ్వడమే కాదు.. మంచి ఆక్సిజన్ అందిస్తాయి. మొక్కలు, చెట్లు విడుదల చేసేది ఆక్సిజనే అంటారా..? కానీ ఆక్సిజన్ ఇచ్చే ప్రత్యేకమైన మొక్కలు కూడా ఉన్నాయి. ఇంట్లోనే పెంచుకోవడం వల్ల వేడిని లాగేసుకుని స్వచ్ఛమైన గాలిని ఇస్తాయి. ఎక్కువ నీరు తాగవు కూడా. అహ్మదాబాద్ కు చెందిన ఓ నర్సరీ యజమాని స్వెతల్ భాస్వర్ దీనిని గుర్తించి.. ఆంధ్రప్రదేశ్, మహారాష్ట్ర, బీహార్ లో లభ్యమయ్యే ఈ ఆక్సిజన్ మొక్కల్ని తెప్పిస్తున్నారు. ధర 50 నుంచి 500 మధ్య ఉంటుంది.
అహ్మదాబాద్‌లో చాలా మంది ఇళ్లలో, ఇంటి వరండాలో, బాల్కనీ, గార్డెన్‌లో ఎక్కువగా కనిపిస్తున్నాయి. వీటిని పెంచేందుకు ఆసక్తి చూపిస్తున్నారు. చూసేందుకు అందంగా ఉండి ఆరోగ్యాన్ని ఇస్తున్నాయని అంటున్నారు. ప్రతి రోజూ 80 నుంచి 90 మంది వీటిని కొనుక్కెళ్తున్నారని నర్సరీ యజమాని అంటున్నాడు. ప్రస్తుతం దేశంలో కరోనా తీవ్రత నేపథ్యంలో ఆక్సిజన్ కొరత ఎలా ఉందో తెలిసిందే. దీంతో ఆక్సిజన్ అవసరం తెలుస్తోంది. ఇదే విధంగా ఆక్సిజన్ మొక్కల ఉపయోగం కూడా తెలుస్తోంది అంటున్నాడు. అందుకే ఆక్సిజన్ మొక్కల సేల్స్ బాగున్నాయని నర్సరీ ఓనర్ అంటున్నాడు. ఆక్సిజన్ మొక్కలపై ఉదయం ఎండ తప్పితే.. మిగిలిన రోజు ఎండ పడకూడదని వారంలో 1 లేదా 2 సార్లు మాత్రమే నీరు పొయ్యాలంటున్నాడు. ఒకవేళ పోసినా అవి తాగవని చెప్తున్నాడు.
ఆక్సిజన్ మొక్కలపై కొందరు సోషల్ మీడియాలో లేనిపోని వార్తలు పుట్టిస్తున్నారని అంటున్నాడు. ఎక్కువ ఆక్సిజన్ ఇచ్చే ఈ మొక్కలు రాత్రిళ్లు ఎక్కువ కార్బన్ డై ఆక్సైడ్ విడుదల చేస్తాయని.. అది ఆరోగ్యానికి మంచిది కాదని.. అది ప్రమాదని పుకార్లేనని.. వాటిని నమ్మొద్దని చెప్తున్నాడు. పగలైనా, రాత్రైనా అవి ఆక్సిజనే విడుదల చేస్తాయి. మనీ ప్లాంట్ కూడా 24 గంటలూ ఆక్సిజన్ రిలీజ్ చేస్తుందని అంటున్నాడు. ఈ ఆక్సిజన్ మొక్కల ధర రూ.50 నుంచి రూ.500 మధ్య ఉంటుంది. ఆంధ్రప్రదేశ్, మహారాష్ట్ర, బీహార్లో ఎక్కువగా దొరుకుతాయి.
గమనిక: ఈ వివరాలు మీ అవగాహన కోసం మాత్రమే. పలు సందర్భాల్లో నిపుణులు అందించిన వివరాలనే ఇక్కడ ఇచ్చాం. మీ ఆరోగ్యం విషయంలో ఎటువంటి సమస్య ఉన్నా, సలహాలకైనా వైద్యులను, నిపుణులను సంప్రదించడమే ఉత్తం. మీ ఆరోగ్యానికి సంబంధించి ‘తెలుగు రాజ్యం’ ఎటువంటి బాధ్యత వహించదు. గమనించగలరు.