Cabbage Water Benifits: ప్రతిరోజు ఆకుకూరలు కూరగాయలు తినడం వల్ల చాలా ఆరోగ్య ప్రయోజనాలు ఉన్నాయి.అయితే కూరగాయలలో ఎన్నో రకాల కూరగాయలు మనకు లభిస్తాయి. ఒక్కో రకం కూరగాయలలో ఒక్కో రకమైన పోషక విలువలు దాగి ఉంటాయి. సీజన్ తో సంబంధం లేకుండా అన్ని సీజన్లలో లభించే కూరగాయలలో క్యాబేజీ కూడా ఒకటి. మనం తీసుకునే ఆహారంలో క్యాబేజీ ఏదో ఒక విధంగా తీసుకోవడం వల్ల ఎన్నో ఆరోగ్య ప్రయోజనాలు ఉన్నాయి. వాటి గురించి ఇప్పుడు మనం తెలుసుకుందాం.
ఆధారంగా చాలామంది క్యాబేజీ వాసన నచ్చక తినటానికి ఇష్టపడరు. కానీ క్యాబేజీలో పోషక విలువలు మన ఆరోగ్యానికి ఎంతో మేలు చేస్తాయి. చైనా, జపాన్ ,కొరియా వంటి దేశాలలో క్యాబేజీ వాడకం ఎక్కువగా ఉంటుంది. వారు తీసుకునే ఆహారంలో ప్రతి పూట క్యాబేజీని ఏదో ఒక విధంగా వారి ఆహారంతోపాటు తీసుకుంటారు. క్యాబేజీ కూరలు చేసుకొని తినటం ఇష్టం లేని వారు క్యాబేజీ నీటిలో ఉడకబెట్టి ఆ నీటిని తాగడం వల్ల కూడా ఎన్నో ప్రయోజనాలు ఉన్నాయి.
ప్రతిరోజు క్యాబేజీ తీసుకోవటంవల్ల రక్తంలోని షుగర్ లెవెల్స్ అదుపులో ఉంచుతుంది. క్యాబేజీ తినడం వల్ల శరీరంలో చెడు కొలెస్ట్రాల్ పేరుకుపోకుండా కాపాడుతుంది. క్యాబేజీ ఉడికించిన నీటిని తాగడం వల్ల శరీరానికి అవసరమైన ఫ్లేవనాయిడ్స్ పుష్కలంగా లభిస్తాయి. కంటి చూపు సమస్యలు ఉన్నవారు క్యాబేజీ నీటిని తాగటం వల్ల వారి సమస్య తగ్గుముఖం పడుతుంది.
క్యాబేజ్ ముఖ్యంగా క్యాన్సర్ కణాలు వృద్ధి కాకుండా నివారించటంలో ముఖ్య పాత్ర పోషిస్తుంది. క్యాబేజీలో పొటాషియం క్యాల్షియం మెగ్నీషియం సమృద్ధిగా ఉంటాయి. అందువల్ల క్యాబేజీ ఉడికించిన నీటిని ప్రతిరోజు తాగితే శరీరంలోని ఎముకలు దృఢంగా అవుతాయి. ఈ నీరు తాగడం వల్ల శరీరంలోని రక్తాన్ని శుద్ధి చేసి, రక్త సరఫరా మెరుగుపడెలా చేసి, రక్తహీనత సమస్య కంట్రోల్ చేస్తాయి.క్యాబేజ్ ఉడికించిన నీటిని ప్రతి రోజూ తాగడం వల్ల శరీరంలో వ్యాధి నిరోధక శక్తి పెరిగి సీజనల్ వ్యాధులు రాకుండా కాపాడుతుంది.