ఆధునిక కాలంలో మారుతున్న ఆహారపు అలవాట్లు, పెరుగుతున్న కాలుష్యం వల్ల అనేక ఆరోగ్య సమస్యలతో బాధపడుతున్నారు. ప్రస్తుత కాలంలో ఆరోగ్య సమస్యలతో పాటు ఇంకొక ముఖ్యమైన సమస్య కూడా మనల్ని వెంటాడుతుంది. అదే జుట్టు రాలే సమస్య. ఈ జుట్టు రాలే సమస్యతో ప్రతి 100 మందిలో 70 మంది బాధపడుతున్నారు.
జుట్టురాలే సమస్యకు చాలామంది బయట మార్కెట్లో దొరికే అనేక రకాల షాంపూలు, కండిషనర్, హెయిర్ ప్యాక్స్ వివిధ రకాల ఉత్పత్తులను వినియోగిస్తున్నారు. వాటిని వాడటం వల్ల కొంతమేరకు జుట్టు రాలే సమస్య తగ్గవచ్చు. కానీ మన ఇంట్లో ఉపయోగించే కొన్ని పదార్థాల ద్వారా కూడా జుట్టురాలే సమస్యకు చెక్ పెట్టవచ్చని నిపుణులు సూచిస్తున్నారు. ఈ సమస్య ఇలాగే కొనసాగితే వయసు పెరిగక ముందే బట్టతల వచ్చే ప్రమాదం ఉందని నిపుణులు హెచ్చరిస్తున్నారు.
మనం ప్రతిరోజు వాడే పదార్థాలలో ఆకుకూరలు ఖచ్చితంగా ఉంటాయి. ఆకు కూరలలో కరివేపాకు అతి తక్కువ ధరలో ఎన్నో పోషక విలువలతో మనకి లభిస్తుంది. కరివేపాకు వల్ల మన జుట్టుకి చాలా ఉపయోగాలు ఉన్నాయి. ప్రతిరోజు కరివేపాకు కొంచెం తినడం వల్ల, కరివేపాకు పేస్ట్ చేసి కొబ్బరి నూనెలో కలిపి జుట్టుకు రాయడం వల్ల జుట్టు రాలే సమస్య తగ్గుముఖం పడుతుంది.
ఉల్లిపాయ లేనిది ఏ వంటలు చేయలేరు. ఉల్లిపాయ వల్ల వంటలు రుచిగా ఉండటమే కాకుండా జుట్టుకి కూడా చాలా ఉపయోగపడుతుంది. ఉల్లిపాయను మెత్తగా పేస్ట్ చేసి దాని నుండి రసాన్ని తీసి జుట్టుకి బాగా మర్దన చేసి స్నానం చేయటం వల్ల జుట్టు రాలే సమస్య తగ్గుతుంది.
నిమ్మ పండులో ఎన్నో యాంటీ బ్యాక్టీరియల్ , యాంటీ ఆక్సిడెంట్స్ పుష్కలంగా ఉంటాయి. నిమ్మ పండు జుట్టు రాలే సమస్య నుండి విముక్తి నిస్తుంది. టేబుల్ స్పూన్ నిమ్మరసం ఒక కప్పు నీటిలో కలిపి దూదితో తల మాడు మీద బాగా మర్దన చేయడం వల్ల చుండ్రు సమస్య తగ్గి జుట్టురాలే సమస్య తగ్గుతుంది.
జుట్టుకు పెరుగుదలకు ముఖ్యంగా ప్రోటీన్స్ చాలా అవసరం. కోడిగుడ్డు ప్రతి రోజు తినడం వల్ల ఆరోగ్యానికే కాదు మన జుట్టు కూడా చాలా ఉపయోగపడుతుంది. గుడ్డులోని తెల్ల సొన జుట్టుకు అప్లై చేయడం వల్ల జుట్టుకి కావలసిన పోషణను లభించి జుట్టు రాలే సమస్య నుండి విముక్తి పొందవచ్చు.