రౌడీ హీరోగా పేరు సంపాదించుకున్న నటుడు విజయ్ దేవరకొండకు విపరీతమైన అభిమానులు ఉన్న విషయం మనకు తెలిసిందే. ఆయన స్టైల్ ఆయన ఆటిట్యూడ్ కి విపరీతంగా ఫాన్ ఫాలోయింగ్ ఉంది. ముఖ్యంగా ఈ హీరోకి లేడీ ఫ్యాన్ ఫాలోయింగ్ ఎక్కువ. ఏకంగా సెలబ్రిటీలకు కూడా ఈయన క్రష్ అయ్యారు. ఇలా ఎంతో మంచి గుర్తింపు సంపాదించుకున్న ఈ హీరో పూరి జగన్నాథ్ దర్శకత్వంలో లైగర్ అనే సినిమాలో నటించారు. ఈ సినిమా ఆగస్టు 25వ తేదీ ప్రేక్షకుల ముందుకు రాబోతోంది.
ఇకపోతే ఈ సినిమాని బాలీవుడ్ నిర్మాత కరణ్ జోహార్ తో పాటు పూరి కనెక్ట్స్ సంయుక్తంగా ఈ చిత్రాన్ని పాన్ ఇండియా స్థాయిలో నిర్మించారు. ఈ సినిమా పూరి జగన్నాథ్ కెరీర్ లోను విజయ్ దేవరకొండ కెరియర్ లోను అత్యంత భారీ బడ్జెట్ చిత్రంగా తెరకెక్కింది.బాక్సింగ్ నేపథ్యంలో ఈ సినిమా ఆగస్టు 25వ తేదీ ప్రేక్షకుల ముందుకు రావడంతో ఈ సినిమా ప్రమోషన్ కార్యక్రమాలను వేగవంతం చేశారు.ఇప్పటికే విజయ్ దేవరకొండ అనన్య పాండే పెద్ద ఎత్తున ఈ సినిమా ప్రమోషన్ కార్యక్రమాలలో బిజీగా ఉన్నారు.
ఇకపోతే ప్రస్తుతం ఈ సినిమా కోసం విజయ్ దేవరకొండ ఎంత రెమ్యూనరేషన్ తీసుకున్నారనే విషయం గురించి హాట్ టాపిక్ గా మారింది.ఈ సినిమా కోసం విజయ్ దేవరకొండ ఇప్పటివరకు తన కెరీర్లో తీసుకొని హైయెస్ట్ రెమ్యూనరేషన్ తీసుకున్నారని సమాచారం. ఈ సినిమా కోసం ఈయన ఏకంగా 35 కోట్ల రూపాయల రెమ్యూనరేషన్ తీసుకున్నారని వార్తలు వస్తున్నాయి. ఈ సినిమా ద్వారా విజయ్ దేవరకొండ బారీ స్థాయిలో తన మార్కెట్ పెంచుకోవాలని చూస్తున్నారు. ఏది ఏమైనా ఎలాంటి సినీ బ్యాగ్రౌండ్ లేకుండా ఇండస్ట్రీలోకి వచ్చిన అతి తక్కువ సమయంలోనే పాన్ ఇండియా అవకాశాలు అందుకోవడం మామూలు విషయం కాదని చెప్పాలి.