గాడ్ ఆఫ్ మాసెస్ పవన్ కళ్యాణ్ హీరోగా కంటే ఇప్పుడు పొలిటికల్ గా ఎక్కువ బిజీగా ఉండడంతో తన సినిమా దర్శక, నిర్మాతలు మళ్ళీ ఆందోళనలో పడ్డారు. అయితే ఈ సినిమాల లైనప్ లో పవన్ హీరోగా చేస్తున్న “హరిహర వీరమల్లు” అనే భారీ చిత్రం ఆల్రెడీ స్టార్ట్ చేయగా దీని తర్వాత అయితే మరికొన్ని సినిమాలు ఓకే చేసాడు.
అయితే ఈ సినిమాల్లో ఇంకో రీమేక్ అంటూ వచ్చిన వార్త పవన్ ఫ్యాన్స్ ని మరింత నీరసానికి లోను చేసింది అయినా కూడా పవన్ ఆ సినిమాను ఓకే చేసి తన ఆర్ధిక మూలాల కోసం కేవలం 20 రోజులు మాత్రం కేటాయించి ఒప్పుకున్నట్టుగా సినీ వర్గాల్లో టాక్ వచ్చింది.
అయితే ఇప్పుడు ఈ సినిమా పై ఆశ్చర్యకరంగా ఓ న్యూస్ ఇప్పుడు వైరల్ గా మారిపోయింది. ఈరోజే ఈ సినిమా హైదరాబాద్ లో లాంచ్ అయ్యిపోయిందట. అస్సలు ఎలాంటి అప్డేట్ కూడా లేకుండా ఈ చిత్రం సైలెంట్ గా లాంచ్ అయ్యిపోవడం అందరికి షాకింగ్ గా మారింది.
కనీసం ఒక్క ఫోటో కూడా ఈ సినిమాపై రాకపోవడం మరో షాకింగ్ అంశం. ఇక ఈ చిత్రంలో అయితే సాయి ధరమ్ తేజ్ మెయిన్ హీరోగా నటిస్తుండగా కేతిక శర్మ హీరోయిన్ గా నటిస్తుంది. పవన్ గోపాల గోపాల తరహా క్యామియో లో కనిపించనున్నాడు. అలాగే నటుడు సముద్రఖని దర్శకత్వం వహిస్తున్నారు.