‘కేజీఎఫ్ చాప్టర్ 1’ రెండు సంవత్సరాల క్రితం అనగా 2018 డిసెంబర్‌ 21వ తేదీన విడుదలయ్యి విజయవంతమయ్యింది . ‘కేజీఎఫ్ చాప్టర్ 1’ కి కొనసాగింపు ఉంటుందని దర్శకుడు ప్రశాంత్ నీల్ ప్రకటించటం జరిగింది. ఎప్పుడొప్పుడు కేజీఎఫ్ చాప్టర్ 2 వస్తుందా అని అభిమానులు ఎదురు చూపులు చూస్తున్నారు. కరోనా వల్ల షూటింగ్స్ జరగక ఆలస్యం జరిగింది. ప్రస్తుతానికి హైదరాబాద్ లో వేసిన ప్రత్యేక బంగారు గనుల సెట్లో షూటింగ్ జరుగుతోంది. అలానే గత ఏడాది డిసెంబర్‌ 21వ తేదీన కేజీఎఫ్- 2 నుంచి హీరో ‘యశ్’ ఫస్ట్‌లుక్‌ పోస్టర్‌ విడుదల చేశారు. ఇప్పుడు అదే సెంటిమెంట్ ని ఫాలో అవుతూ దర్శకుడు డిసెంబర్‌ 21 న అభిమానులకి ఒక బహుమతి ఇవ్వనున్నట్లు ప్రకటించటం జరిగింది. ప్రశాంత్ నీల్ తన ట్విట్టర్ లో ”కేజీఎఫ్-2 షూటింగ్ చివరి దశకు చేరింది. ప్రతిఏడాది డిసెంబర్‌ 21న అభిమానులను సర్‌ప్రైజ్‌ చేసిన మేము ఈ ఏడాది కూడా అదే ఆచారాన్ని ఫాలో అవుతున్నాం. డిసెంబర్‌ 21న ఉదయం 10 గంటల 8 నిమిషాలకు స్పెషల్‌ సర్‌ప్రైజ్‌ ఇవ్వబోతున్నాం. సినిమా కోసం ఎంతో ఆసక్తిగా ఎదురుచూస్తున్న ప్రతి ఒక్కరికీ కృతజ్ఞతలు” అని పోస్ట్ చేశారు. అప్పటి నుండి ఈ న్యూస్ సోషల్ మీడియా లో వైరల్ అవుతుంది.
బహుశా మూవీ కి సంబందించిన టీజర్ ని రిలీజ్ చేసి అలాగే మూవీ రిలీజ్ డేట్ అనౌన్స్మెంట్ ఉంటుందని సమాచారం. ఈ మూవీలో హీరో యశ్ కి జోడిగా మొదటి పార్ట్ లో చేసిన శ్రీనిధి శెట్టి హీరోయిన్ గా నటిస్తుంది. ఇక ఈ చిత్రంలో పవర్ ఫుల్ విలన్ గా అధీరా పాత్రలో బాలీవుడ్ స్టార్ నటుడు సంజయ్ దత్ నటిస్తున్న సంగతి తెలిసిందే. తెలుగు, కన్నడ, తమిళ, హిందీ భాషల్లో విడుదల కానున్న ఈ సినిమాలో రవీనా టాండన్‌, ప్రకాశ్‌ రాజ్ కీలక పాత్రలో కనిపించనున్నారు. మొదటి పార్ట్ కి సూపర్ మ్యూజిక్ ఇచ్చిన రవి బస్రూర్ నే ఈ పార్ట్ కి కూడా అందిస్తున్నారు.