కన్నడ హీరో రిషబ్ శెట్టి దర్శకత్వంలో ఆయన హీరోగా నటించిన కాంతార సినిమా సెప్టెంబర్ 30వ తేదీన కన్నడ భాషలో విడుదలైన సంగతి అందరికీ తెలిసిందే. హోంబలే ఫిల్మ్స్ నిర్మాణ సంస్థ ప్రతిష్టాత్మకంగా నిర్మించిన ఈ సినిమాకి రిషబ్ శెట్టి దర్శకత్వం చాలా అద్భుతంగా ఉంది. కేవలం రూ. 18 కోట్ల బడ్జెట్ తో రూపొందిన ఈ సినిమా ఇప్పుడు అన్ని భాషలలో విడుదలై దాదాపు రూ.350 కోట్లు కొల్లగొట్టినట్లు తెలుస్తోంది. ఈ సినిమా మొదట కేవలం కన్నడ భాషలో మాత్రమే విడుదల అయింది. అయితే అక్కడ ప్రేక్షకుల నుండి మంచి రెస్పాన్స్ రావడంతో ఈ సినిమాని తెలుగు తమిళ్ హిందీ భాషలలో కూడా డబ్ చేసి విడుదల చేశారు. అల్లు అరవింద్ సమర్పణలో అక్టోబర్ 15వ తేదీన తెలుగులో విడుదలైన ఈ సినిమా ఇప్పటికే మూడు వారాలు పూర్తి చేసుకుంది.
ఇక తెలుగులో కూడా ఇప్పటివరకు రూ. 38 కోట్లు వసూలు చేసినట్లు సమాచారం. ఇలా భాషతో సంబంధం లేకుండా అన్ని భాషలలో విడుదలై అందరి అంచనాలు మించి దూసుకుపోతున్న ఈ కాంతార సినిమా ఇటీవల మరొక కొత్త రికార్డు క్రియేట్ చేసింది. కన్నడ ఇండస్ట్రీలో ఇప్పటివరకు ఈ సినిమాకి కోటి టికెట్లు అమ్ముడుపోయాయని హోంబలే ఫిల్మ్స్ నిర్మాణ సంస్థ అధికారికంగా వెల్లడించింది. ఇలా కన్నడ భాషలో కోటి టికెట్లు అమ్మడు పోయిన మొదటి సినిమాగా కాంతారా కొత్త రికార్డ్స్ క్రియేట్ చేసింది. ఈ సినిమాలో కథ, కథనం తో పాటు సంగీతం కూడా ప్రేక్షకులను బాగా ఆకట్టుకుంటోంది.
అందువల్ల ఈ సినిమా విడుదలై దాదాపు 50 రోజులు కావస్తున్నా కూడా జోరు మాత్రం తగ్గటం లేదు. అందువల్ల ఈ సినిమా ని ఇప్పుడే ఓటిటి లో విడుదల చేయటం లేదని ఈ చిత్ర నిర్మాణ సంస్థ వెల్లడించింది. గత కొంతకాలంగా ఈ సినిమా ఓటిటి విడుదల గురించి అనేక రకాల వార్తలు వినిపిస్తున్నాయి. ఇప్పటికే నవంబరు 4 వ తేదీన ఓటిటి లో విడుదల కావాల్సిన ఈ సినిమా కి థియేటర్లలో మంచి రెస్పాన్స్ వస్తుండటంతో ఓటీటీ విడుదల తేదీని వాయిదా వేసినట్లు తెలుస్తోంది. నవంబర్ 4 వ తేదీ నుండి నవంబర్ 18 కి ఈ సినిమా ఓటీటీ విడుదలను పోస్ట్ ఫోన్ చేసినట్లు సమాచారం . అయితే ఈ విషయం గురించి ఇప్పటివరకు అధికారిక ప్రకటన మాత్రం వెల్లడించలేదు.