ఐపీఎల్ 2025 సీజన్‌లో గుజరాత్ టైటాన్స్ అదరగొట్టింది. దిల్లీ క్యాపిటల్స్‌ను 10 వికెట్ల తేడాతో మట్టికరిపించి ప్లేఆఫ్స్ బెర్తును ఖాయం చేసుకుంది. ఈ గెలుపుతో పాటు బెంగళూరు, పంజాబ్ జట్లు కూడా నాకౌట్‌కు అడుగుపెట్టడం విశేషం. గుజరాత్ ఓపెనర్లు శుభ్‌మన్ గిల్ – సాయి సుదర్శన్ విజృంభించడంతో, దిల్లీ 199 పరుగుల భారీ స్కోర్‌ను కేవలం 19 ఓవర్లలోనే ఛేదించింది.
చిన్నస్వామి స్టేడియంలో టాస్ ఓడి బ్యాటింగ్‌కు దిగిన దిల్లీ 20 ఓవర్లలో 3 వికెట్లకు 199 పరుగులు చేసింది. కెప్టెన్ కేఎల్ రాహుల్ (112* నాటౌట్; 65 బంతుల్లో 14 ఫోర్లు, 4 సిక్స్‌లు) అద్భుత శతకంతో చెలరేగాడు. అభిషేక్ పోరెల్ (30), అక్షర్ పటేల్ (25), స్టబ్స్ (21*) మద్దతుగా నిలిచారు. గుజరాత్ బౌలర్లలో అర్షద్ ఖాన్, సాయి కిశోర్, ప్రసిద్ధ్ కృష్ణ తలో వికెట్ తీశారు.
ఇక గుజరాత్ ఓపెనింగ్ బ్యాటర్లు కాస్త కూడా వెనుకాడలేదు. సాయి సుదర్శన్ (108* నాటౌట్; 61 బంతుల్లో 12 ఫోర్లు, 4 సిక్స్‌లు), శుభ్‌మన్ గిల్ (93* నాటౌట్; 53 బంతుల్లో 3 ఫోర్లు, 7 సిక్స్‌లు) అద్భుత జోడీతో దిల్లీ బౌలర్లను చిత్తుచేశారు. తొలి నుంచి చివరి వరకూ వికెట్ కోల్పోకుండా భారీ లక్ష్యాన్ని 19 ఓవర్లలో పూర్తిచేశారు.
ఈ మ్యాచ్‌లో ఓటమితో దిల్లీ ప్లేఆఫ్స్ అవకాశాలు క్లిష్టమయ్యాయి. మరో రెండు మ్యాచ్‌లు గెలిస్తేనే ఆశ చిగురించనుంది. ముంబయి, లఖ్‌నవూ కూడా నాలుగో స్థానానికి పోటీలో ఉండడంతో ఈ వారం మ్యాచులే కీలకం కానున్నాయి. మే 21న దిల్లీ–ముంబయి పోరుతో ఆఖరి ఫైనల్ బెర్తు నిర్ణయమయ్యే అవకాశం ఉంది.