మనలో చాలామంది కాఫీని ఎంతో ఇష్టంగా తాగుతారు. ఇన్‌స్టెంట్ కాఫీ తాగడం వల్ల ఎన్నో ఆరోగ్య ప్రయోజనాలు చేకూరుతాయి. ఇన్‌స్టెంట్ కాఫీ అలవాటు ఉన్న వారు అక్రిలమైడ్ అనే రసాయనం విషయంలో అప్రమత్తంగా ఉండటం అవసరమని వైద్యులు చెబుతున్నారు. ఈ కెమికల్ వల్ల క్యాన్సర్ వచ్చే ఛాన్స్ అయితే ఉందని వైద్యులు వెల్లడిస్తున్నారు. వాస్తవానికి కాఫీ తాగడం వల్ల మతిమరుపు, ఆల్జైమర్స్, టైప్ 2 డయాబెటిస్ రిస్క్ తగ్గుతుంది.
ప్లాస్టిక్ తయారీలో, మురుగు నీరు శుద్ధి ప్రక్రియల్లో వినియోగించ్ అక్రిలమైడ్ శరీరంలో అతిగా చేరడం వల్ల ఇబ్బందులు తప్పవు. బేక్డ్ ఫుడ్స్‌తో పాటు ఇన్‌స్టెంట్ కాఫీలో కూడా ఈ కెమికల్ ను కొద్ది మొత్తంలో ఉపయోగిస్తారు. ఆహారాన్ని 120 డిగ్రీలకు మించి వేడి చేసిన సందర్భాల్లో ఈ కెమికల్ పుట్టే అవకాశాలు అయితే ఉంటాయి. ఇన్ స్టంట్ కాఫీ తాగేవాళ్లు ఎక్కువ మొత్తంలో కాకుండా కొద్ది మొత్తంలో కాఫీ తీసుకుంటే మంచిది.
అక్రిలమైడ్ శరీరంలో చేరకుండా ఉండేందుకు కొన్ని జాగ్రత్తలు తీసుకోవాల్సి ఉంటుంది. ధూమపానం మానేయడం ద్వారా ఈ కెమికల్ శరీరంలోకి రాకుండా కొంతమేర జాగ్రత్తలు తీసుకోవచ్చు. ఆహారాలను డీప్ ఫ్రై చేస్తే కూడా ఈ కెమికల్ శరీరంలో చేరే అవకాశాలు ఉంటాయి. నిప్పుల మీద ఆహారాన్ని కాల్చే వాళ్లు వాటిని బొగ్గులా ఆహారం మాడ్చకుండా తగిన జాగ్రత్తలు తీసుకోవాలి.
టోస్టెడ్ బ్రెడ్ వినియోగం కూడా వీలైనంతగా తగ్గించడం ద్వారా కూడా ఈ సమస్యకు చెక్ పెట్టవచ్చు. ఆవిరిపై లేదా మైక్రో వేవ్ పై ఆహారాన్ని వండటం ద్వారా ఈ సమస్య దూరమవుతుంది. ఇన్‌స్టెంట్ కాఫీ, ఇతర కాఫీ ప్రత్యామ్నాయాలకు బదులు డార్క్ రోస్టెడ్ కాఫీని ఎంచుకోవడం ద్వారా ఈ సమస్యను అధిగమించవచ్చు.