మునగాకు తినడం వల్ల ఎన్నో లాభాలున్నాయి. ఇది రోగనిరోధక శక్తిని పెంచుతుంది, రక్తహీనతను తగ్గిస్తుంది మరియు ఎముకలను బలంగా చేస్తుంది. మునగాకులో ఎ, సి విటమిన్లు పుష్కలంగా వున్నాయి. మనం డబ్బులిచ్చి కొనే ఏ ఆకుకూరల్లోనూ మునగాకు స్థాయిలో ఈ విటమిన్లు వుండవు. అలాగే కాల్షియం, పాస్పరస్, ఐరన్ కూడా మునగాకు ద్వారా లభిస్తాయి. మునగాకు రసాన్ని తీసుకోవడం వల్ల షుగర్ లెవెల్స్ కంట్రోల్ లో ఉండే అవకాశం అయితే ఉంటుందని చెప్పవచ్చు.
క్యారెట్లు తినడం ద్వారా వచ్చే విటమిన్ ఎ ని 10 రెట్లు అధికంగా మునగాకు ద్వారా పొందే అవకాశాలు అయితే ఉంటాయి. అరటిపండ్ల నుంచి పొందే పొటాషియం కన్నా.. ఎండిన మునగాకులో 15 రెట్లు ఎక్కువగా పొటాషియం లభిస్తుందని చెప్పవచ్చు. పెరుగు తినడం వల్ల లభించే ప్రొటీన్ల కన్నా.. మునగాకు నుంచి 8 రెట్లు అధికంగా ప్రోటీన్ లభిస్తుంది. పాల నుంచి లభించే క్యాల్షియం కన్నా.. మునగాకు నుంచి 17 రెట్లు అధికంగా క్యాల్షియం పొందవచ్చు.
విటమిన్ సి లోపంతో బాధ పడేవాళ్లకు సైతం మునగాకు ద్వారా హెల్త్ బెనిఫిట్స్ చేకూరుతాయి. మునగాకు వల్ల ఆరోగ్యానికి లాభమే తప్ప నష్టం లేదని చెప్పవచ్చు. విటమిన్స్, అమైనో యాసిడ్స్, మినరల్స్ మునగాకు ద్వారా లభిస్తాయి. కంటిచూపును మెరుగుపరిచే విషయంలో మునగాకుకు ఏదీ సాటిరాదని చెప్పవచ్చు. అయితే మునగాకును పరిమితంగా తీసుకోవడం ద్వారా మాత్రమే ఈ హెల్త్ బెనిఫిట్స్ పొందవచ్చు.
మునగాకును తీసుకునే వాళ్లు ఈ విషయాలను కచ్చితంగా గుర్తుంచుకోవాలి. ఏకంగా 300 వ్యాధులు మునగాకు తీసుకోవడం ద్వారా దూరమయ్యే అవకాశం ఉంటుంది. మునగ ఆకుల్లో ప్రొటీన్లు, కార్బోహైడ్రేట్లు, కాల్షియం, పొటాషియం, మెగ్నీషియం, ఐరన్, విటమిన్-ఎ, సి, బి కాంప్లెక్స్, బీటా-కెరోటిన్, అమైనో యాసిడ్స్, ఫినోలిక్‌లతో పాటు, 40 కంటే ఎక్కువ రకాల యాంటీఆక్సిడెంట్లు ఉన్నాయి.