ముడతలకు చెక్ పెట్టడానికి, చర్మాన్ని మృదువుగా ఉంచడానికి మరియు వయసును తక్కువగా కనిపించేలా చేయడానికి, మీరు కొన్ని చిట్కాలను పాటించవచ్చు. ఇందులో సహజ నూనెలు, పండ్లు, మాయిశ్చరైజింగ్ క్రీమ్, మరియు కొన్ని ఇతర ట్రీట్మెంట్స్ ఉన్నాయి. బాదం నూనె చర్మాన్ని హైడ్రేట్ చేసి, ముడతలను తగ్గించడంలో సహాయపడుతుంది. రాత్రి పడుకునే ముందు ముఖానికి బాదం నూనె రాసి మర్దన చేయండి.
అరటి పండులో పొటాషియం ఉంటుంది, ఇది చర్మం మీద వృద్ధాప్య లక్షణాలను తగ్గిస్తుంది. అరటి పండును ముఖానికి పేస్ట్ లా అప్లై చేసి, ఆరనివ్వాలి. తేనె చర్మాన్ని తేమతో ఉంచి, ముడతలను తగ్గించడంలో సహాయపడుతుంది. ముఖానికి తేనె రాసి, ఆరనివ్వడం ద్వారా మెరుగైన ఫలితాలను పొందే ఛాన్స్ ఉంటుంది. నిమ్మరసం చర్మాన్ని బిగుసుకునేలా చేస్తుంది. నిమ్మరసం, పెరుగు మిశ్రమంతో ముఖానికి ప్యాక్ లా అప్లై చేయవచ్చు.
చర్మాన్ని హైడ్రేట్ చేయడానికి మాయిశ్చరైజింగ్ క్రీమ్ ఉపయోగించండి. సూర్యరశ్మి నుండి చర్మాన్ని కాపాడటానికి సన్ స్క్రీన్ ఉపయోగించండి. ముడతలను తగ్గించడానికి బేబీ బొటాక్స్ చికిత్స చేయించుకోవచ్చు. అయితే ఈ చికిత్స కేవలం నాలుగు నెలలు మాత్రమే పని చేస్తుంది. ముడతల తీవ్రతను బట్టి, మీ వైద్యుడు చర్మ సంరక్షణ మరియు నాన్-ఇన్వాసివ్ చికిత్సల కలయికను సిఫారసు చేసే ఛాన్స్ ఉంటుంది.
శరీరంలో కొల్లాజెన్ ఉత్పత్తి తగ్గితే కూడా ముఖంపై ముడతలు ఏర్పడతాయి. ఆయిల్ తో మర్ధనా చేయడం, మాయిశ్చరైజర్ వాడడం ద్వారా ముడతలకు చెక్ పెట్టే అవకాశాలుంటాయి. యాంటీ ఏజింగ్ క్రీమ్‌తో ముఖంతో పాటు ఇతర చర్మ భాగాల్లో ఉన్న ముడతలకు చెక్ పెట్టవచ్చు. ఇది రాసుకుంటే మీ చర్మం ఎప్పుడూ తాజాగా కనిపిస్తుంది. ఎంతో మృదువుగా, కోమలంగా కనిపుస్తుంది. గుడ్డులో ఉండే ప్రొటీన్లు, విటమిన్లు బి, విటమిన్ ఇ మీ ముఖ చర్మంపై ముడతలను దూరం చేయడంలో సహాయపడతాయి.