మన చిన్నప్పుడు బ్రహ్మజెముడు మొక్క కాయలను ఎంతో ఇష్టంగా తినే వాళ్ళం. ఈ కాయల చుట్టూ ముళ్ళు ఉన్నప్పటికీ ఎంతో కష్టపడి వీటిని తొలగించి ఎంతో ఇష్టంగా కాయలను తినేవాళ్ళం కదా. బ్రహ్మజెముడు కాక్టస్ జాతికి చెందిన ఎడారి మొక్క అందుకే ఇవి నిస్సారమైన నేలల్లో ఎక్కువగా పెరుగుతుంటాయి.కాక్టస్ మొక్కల్లో బ్రహ్మజెముడు వర్గానికి చెందిన చపాతి కాక్టస్ మొక్క ఆకుల్లో, కాయల్లో మన ఆరోగ్యానికి అవసరమైన అన్ని ఔషధ గుణాలు పోషక విలువలు సమృద్ధిగా లభిస్తాయి. ఈ మొక్క ఆకులు చపాతి ఆకారంలో అందుకే వీటిని చపాతి కాక్టస్ మొక్కలు అని పిలుస్తుంటారు.
బ్రహ్మజెముడు మొక్క ఆకులు, పండ్లలో క్యాల్షియం, విటమిన్లు, మెగ్నీషియం, బీటాకెరోటిన్, అమైనో ఆమ్లాలు పుష్కలంగా లభిస్తాయి. ఈ మొక్క పండ్ల జ్యూస్ మరియు జెల్లీ ప్రస్తుతం మార్కెట్లో కూడా దొరుకుతుంది.ఈ మొక్క జ్యూస్ లో క్యాలరీలు తక్కువగా ఉండి పోషక విలువలు సమృద్ధిగా ఉంటాయి.అతి బరువు సమస్యతో బాధపడేవారు కాక్టస్ జ్యూస్ ప్రతి రోజూ ఒక గ్లాస్ తాగడం వల్ల మన శరీర బరువును తొందరగా తగ్గించుకోవచ్చు
కాక్టస్ జాతి మొక్కల్లో విటమిన్ సి,అమైనో ఆమ్లాలు,
యాంటీ బ్యాక్టీరియల్, యాంటీ ఫంగల్ గుణాలు మన శరీరంలోని వ్యాధికారకాలను తొలగించి కణాల ఎదుగుదలకు తోడ్పడి మనలో వ్యాధి నిరోధక శక్తిని పెంపొందించడంలో సహాయపడుతుంది. జిడ్డు చర్మంతో బాధపడేవారు కాక్టస్ జెల్ తరచూ ముఖంపై మర్దన చేసుకుంటే జిడ్డుకు కారణమయ్యే సెబంమ్ ద్రవం ఉత్పత్తిని నియంత్రించి జిడ్డు చర్మాన్ని తొలగిస్తుంది.కాక్టస్ మొక్కలో అధిక శాతం ఫైబర్ కంటెంట్ ఉండటం వల్ల జీర్ణక్రియ వ్యవస్థ మెరుగుపడుతుంది.
కాక్టస్ జ్యూస్ ప్రతిరోజు తాగడం వలన ఇందులో ఉండే క్యాల్షియం ఎముకలు, దంతాలు దృఢంగా ఉండునట్లు చేస్తుంది.చపాతీ కాక్టస్ జ్యూస్ తాగడం వల్ల శరీరంలో ఎల్‌డిఎల్ అనే చెడు కొలెస్ట్రాల్ స్థాయి తగ్గుతుంది. ఇది శరీరంలో కొవ్వు పేరుకుపోవడాన్ని నిరోధిస్తుంది, తద్వారా గుండె జబ్బులు మరియు అథెరోస్క్లెరోసిస్ వంటి ప్రమాదాలను నివారిస్తుంది.