మాంసాహారం వద్దు.. శాఖహారమే ముద్దు.. అనే మాట ఎప్పటి నుంచో ఉంది. అయితే.. శాఖహారమే ఆరోగ్యానికి పూర్తి బలం అనే ఒక తరహా వేవ్ ఉద్యమంలా చేపడుతున్నారు కొందరు. నేటి జీవన విధానానికి శాఖహారమే ఉత్తమమని అంటున్నారు. ఇందుకు ప్రజల్లో అవేర్ నెస్ క్రియేట్ చేస్తున్నారు. మందులతో కాకుండా శాస్త్రీయ పద్ధతిలో పండించిన కూరగాయలతో చేసే శాఖహార భోజనమే ఉత్తమమని అంటున్నారు. అయితే.. నాన్ వెజ్ కు అలవాటుపడిన వారు చికెన్, మటన్, చేప, రొయ్యి కనిపిస్తే ఆగలేరు.
వీరిని ఒక్కసారిగా వెజ్ వైపు నడిపించడం చాలా కష్టం. అయితే.. ఆరోగ్యానికి శాఖాహారం మంచిదా? మాంసాహారం మంచిదా అనే చర్చలు జరుగుతూనే ఉంటాయి. మంచి శారీరక ఆరోగ్యం కోసం శాఖహారం-మాంసాహారం రెండింటినీ తినాలి అంటారు. మాంసాహారాన్ని మితంగా.. శాఖాహారాన్ని ఎక్కువగా తింటే ఆరోగ్యానికి మంచింది. అయితే.. మాంసాహారాన్ని అప్పుడప్పుడు తీసుకోవాలి. శాఖహారం ప్రతిరోజూ ఉండాల్సిందే. మాంసాహరం ప్రతిరోజూ తినలేం. తింటే వేడి చేస్తుంది కూడా. కానీ.. శాఖాహారంతో ఆ సమస్య ఉండదు. కూరగాయల నుంచి ఆకు కూరల వరకూ హ్యాపీగా లాగించేయొచ్చు.
మాంసాహారంతో పోలిస్తే శాఖాహారం త్వరగా జీర్ణమయ్యే ఆహారం. నాన్-వెజ్‌లో ఉండే అరాకిడోనిక్ యాసిడ్ మన మూడ్‌ను డిస్ట్రబ్ చేస్తుందని అధ్యయనాలు చెప్తున్నాయి. కార్బోహైడ్రేట్లు, ఫైబర్ ఎక్కువున్న ఆహారం తీసుకోవడం వల్ల శరీరంలో ఇన్సులిన్ ఉత్పత్తి పెరుగుతుంది. డయాబెటిస్ రోగులు గ్లూకోజ్ స్థాయిలను నియంత్రించాలంటే శాఖహారమే ఉత్తమం. శాఖాహారం వల్ల గుండె సంబంధిత సమస్యలు దూరమవుతాయి. బీపీని కంట్రోల్ లో ఉంచుతుంది. కూరగాయలు, పప్పు, బటాణీలు శరీరానికి ఫైబర్, పొటాషియం, ఐరన్ అందిస్తాయి.
శాఖాహారం వల్ల క్యాన్సర్ ముప్పు 40 శాతం తగ్గుతుందని అధ్యయనాల్లో తేలింది. బరువు తగ్గాలంటే శాకాహారమే ఉత్తమం. పెరిగే వయస్సుకు అనారోగ్యం, జీర్ణ సంబంధ సమస్యలు రాకుండా ఉండాలంటే శాఖాహారం బెటర్. క్యాన్సర్ కణాలతో పోరాడేందుకు ప్రత్యేకంగా తెల్ల రక్త కణాలు కూడా ఉంటాయని అంటున్నారు. రోగనిరోధక వ్యవస్థను మెరుగుపరుస్తుంది. చెడు కొలెస్ట్రాల్ తగ్గుతుంది. కండరాల వ్యవస్థ మెరుగుపడుతుంది. శాఖాహారంలో ఉండే ఫైబర్, విటమిన్లు, ఫైటోకెమికల్స్ క్యాన్సర్‌ను అడ్డుకుంటాయట. మొత్తంగా శరీరకంగా, మానసికంగా ఆరోగ్యంగా ఉంటారు..!
గమనిక: ఈ కథనం మీ అవగాహన కోసం మాత్రమే. ఆహార నిపుణులు, పలు అధ్యయనాల ప్రకారమే ఈ వివరాలు అందించాం. అర్హత ఉన్న నిపుణులు, వైద్యుల సలహాలకు ఇది ప్రత్యామ్నాయం కాదు. మీ ఆరోగ్యం విషయంలో ఎటువంటి సలహాలు కావాలన్నా ఆహార నిపుణులు, వైద్యులను సంప్రదించడమే ఉత్తమం. మీ ఆరోగ్యం విషయంలో ‘తెలుగు రాజ్యం’ ఎటువంటి బాధ్యత వహించదు. గమనించగలరు.