భోజనంలోకి కూర, పప్పు, సాంబారు, పెరుగు ఎంత ముఖ్యమో పచ్చడి అంతే ముఖ్యం. భోజనప్రియులు పచ్చడితోనే అన్నం తినడం మొదలుపెడతారు. పైగా.. వేసవి వచ్చేసిందాయె..! ఆవకాయ లేని ఇల్లు ఉండదు. కొత్త ఆవకాయ కోసం ఆవురావుమని ఎదురు చూస్తాం. వేసవిలో వేడి వేడి అన్నంలో ఆవకాయ, నెయ్యి కలుపుకుని తింటే ఆ మజానే వేరు. ఊరగాయ పచ్చడి కూడా అంతే. ఇక రోటి పచ్చళ్లు ఏడాది పొడవునా చేస్తూంటారు ఇళ్లల్లో. ఇలా పచ్చడి లేకుండా దాదాపు మన భోజనం మొదలవదు.. పూర్తి కాదు. అయితే.. పచ్చడి తినడం కరెక్టేనా.. వేసవిలో తినొచ్చా.. కారం మోతాదు, వేడి.. ఇలా చాలా అనుమానాలు ఉండటం సహజం. వీటికి నిపుణులు చెప్పే సలహా ఇంట్లో చేసే పచ్చళ్లు ఆరోగ్యమే అంటున్నారు.
ఊరగాయ పచ్చళ్లను ఉప్పు లో ఊరబెట్టి కలుపుతారు కాబట్టి.. ఆ బ్యాక్టీరియా ఆరోగ్యంగా ఉంటుందని అంటున్నారు నిపుణులు. పచ్చళ్లలో మెంతులు జీలకర్ర ధనియాలు.. వగైరా యాడ్ చేస్తారు. వాటిలో ఉండే యాంటీ మైక్రోబియల్ గుణాలు ఇంట్లో చేసే పచ్చళ్లలో మాత్రమే ఉంటాయని.. ఇవి ఎంతో ఆరోగ్యమే కాకుండా ఒబేసిటీని తరిమికొట్టి.. డయాబెటిస్, కొవ్వును తగ్గిస్తాయంటున్నారు. శరీరానికి శక్తిని ఇవ్వడమే కాకుండా కొవ్వుని కరిగించే తత్వం కలిగి ఉంటాయని అంటున్నారు. ఊరగాయలో ఇన్సులిన్ సెన్సిటివిటీ ఉంటుంది. బ్లోటింగ్ తొలగిస్తుందని న్యూట్రిషనిస్టులు అంటూంటారు.
వేసవిలో మాత్రమే పట్టే ఆవకాయ, మాగాయ పచ్చళ్లు ఏడాది పొడవునా పాడవకుండా ఉంటాయి. ప్రాంతాన్ని బట్టి కూడా టేస్ట్ మారతాయి. కానీ.. ఎక్కడ తిన్నా ఫీల్ ఆవకాయ ఒకలానే ఉంటుంది. ఆవకాయ కాకుండా ప్రాంతాలవారీగా పచ్చళ్లు మారుతూ ఉంటాయి. ఇంట్లోనే పచ్చళ్లు చేస్తారు కాబట్టి ఇవి ఎలా చేసినా ఆరోగ్యానికి మంచిదే. ఒంట్లో విటమిన్స్ తక్కువగా ఉంటే పచ్చళ్ళు తినడం వల్ల B12, విటమిన్ D3 ప్రొడక్షన్ కూడా జరుగుతుందని న్యూట్రిస్టులు అంటున్నారు. పచ్చళ్ల వల్ల జీర్ణక్రియ సమస్యలు కూడా తీరతాయని అంటున్నారు. పచ్చళ్లు తినడం వల్ల రోగనిరోధక శక్తి పెరుగుతుందని అంటున్నారు న్యూట్రిస్టులు. పచ్చళ్లు వేడి అనే మాట ఉన్నా సీజనల్ గా వచ్చే పచ్చళ్లను తినడమే బెటర్. అందులోనూ ఆవకాయ మన తెలుగు వారికి ఎమోషన్ కదా..!
గమనిక: ఈ వివరాలు మీ అవగాహన కోసం మాత్రమే ఇవ్వడం జరిగింది. ఆయా సందర్భాల్లో ఆరోగ్య నిపుణులు తెలిపినవి, పలు అధ్యయనాల ప్రకారం ఈ వివరాలను అందించాం. ఈ కథనం అర్హత ఉన్న వైద్యులు, ఆహార నిపుణలకు ప్రత్యామ్నాయం కాదని గమనించగలరు. ఆరోగ్యానికి సంబంధించి ఏ చిన్న సమస్య ఉన్నా వైద్యులను సంప్రదించడమే ఉత్తమైన మార్గం.