Green Food: తాజా ఆహారం ఎప్పుడూ మంచి ఆరోగ్యాన్నిస్తుంది. అనారోగ్యాన్ని దూరం చేసి.. పోషకాలు ఎక్కువగా ఉండి ఆరోగ్యాన్నిచ్చే ఆహారంలో గ్రీన్ ఫుడ్ ఒకటి. గ్రీన్ ఫుడ్స్ లో పాలకూర, కొత్తిమీర, పుదీన, బచ్చలి కూర, క్యాబేజీ, ఆవకాడో, బ్రకోలీ, నిమ్మకాయ, ద్రాక్ష, కరివేపాకు, గ్రీన్ టీ.. ఇవన్నీ గ్రీన్ ఫుడ్ లో భాగమే. వీటిలో యాంటీ ఆక్సిడెంట్లు, పోషకాలే మనకు బలం. అప్పటికే బాడీలో వ్యర్థాలు వుంటే తరిమేస్తాయి.. వైరస్‌, బ్యాక్టీరియాను తరిమేస్తాయి. గ్రీన్ ఫుడ్స్ మనలో వ్యాధి నిరోధక శక్తిని పెంచుతాయి.
కీర దోసకాయల్లో నీరు ఎక్కువ. కళ్లకు మంచిది. ఎండాకాలంలో ఎక్కువగా తినాలి. వీటిలో విటమిన్ A, C, B12, B6, D, ఐరన్, కాల్షియం, మెగ్నీషియం ఉండటం వల్ల డీహైడ్రేషన్ కాకుండా చేస్తుంది. బీపీ కంట్రోల్‌లో ఉంటుంది. విటమిన్ C ఉండటం వల్ల వ్యాధి నిరోధక శక్తి పెరుగుతుంది. రోజూ ఉదయం జ్యూస్ తాగే అలవాటు ఉంటే అందులో కీర దోసకాయ ముక్కలు ఉంటే మంచిది. గ్రీన్ ఫుడ్ తినడం వల్ల మైండ్‌ ఫ్రెష్ గా ఉంటుంది.
బచ్చలి ఆకులో ఐరన్, కాల్షియం, మెగ్నీషియం, ఫొలేట్, విటమిన్ K, A, C ఫైబర్, ప్రోటీన్స్ ఉంటాయి. ఇన్ని పోషకాలు మన జీర్ణవ్యవస్థను రక్షిస్తాయి. గుండెను ఆరోగ్యంగా ఉంచుతుంది. వేడిని తగ్గిస్తాయి. బీపీని కంట్రోల్ చేస్తాయి. క్యాన్సర్ రాకుండా నిరోధిస్తుంది. వ్యాధినిరోధక శక్తిని పెంచుతుంది. ఎముకల్ని ధృడంగా మారుస్తుంది. ప్రధానంగా కంటికి మేలు చేస్తాయి.
గ్రీన్ యాపిల్స్ నే తీసుకుంటే ఎక్కువ జ్యూస్‌తో ఉంటాయి. వీటిలో యాంటీ ఆక్సిడెంట్స్, పొటాషియం, ఫైబర్, విటమిన్ A, C, B, E ఉంటాయి. ఇవన్నీ మన చర్మం మెరిసేలా చేస్తాయి. గ్రీన్ యాపిల్‌ని తొక్కతో సహా తింటే మరింత మంచిది. బరువు తగ్గేందుకు సహకరిస్తాయి. బీపీని కంట్రోల్ చేస్తుంది. జీర్ణక్రియ మెరుగుపడుతుంది. పళ్లు ఆరోగ్యంగా ఉంటాయి.
గ్రీన్ ఫుడ్స్‌లో ఉండే ఒమేగా-3 ఫ్యాటీ యాసిడ్స్ చెడు కొలెస్ట్రాల్‌ను తరిమేస్తాయి. బాడీ మెటబాలిజంను పెంపొందిస్తుంది. ఇందులోని క్లోరోఫిల్ రక్త కణాల్ని అభివృద్ది చేస్తుంది.. రక్త ప్రసరన సవ్యంగా జరిగేలా చేస్తుంది. ఆక్సిజన్‌ను పెంచుతుంది. శరీరానికి అవసరమైన పోషకాల్ని అందిస్తాయి.
గమనిక: ఈ వివరాలు మీ అవగాహన కోసం మాత్రమే. పలు సందర్భాల్లో ఆహార నిపుణులు, వైద్యులు అందించిన వివరాలనే ఇక్కడ ఇచ్చాం. మీ ఆరోగ్యం విషయంలో ఎటువంటి సమస్య ఉన్నా, సలహాలకైనా వైద్యులను, ఆహార నిపుణులను సంప్రదించడమే ఉత్తం. మీ ఆరోగ్యానికి సంబంధించి ‘తెలుగు రాజ్యం’ ఎటువంటి బాధ్యత వహించదు. గమనించగలరు.