మనలో చాలామంది ఎంతో ఇష్టంగా తినే పండ్లలో బొప్పాయి పండ్లు కూడా ఒకటి. తినడానికి రుచిగా ఉండే ఈ పండ్లు ఎన్నో ఆరోగ్య ప్రయోజనాలను సైతం కలిగిస్తాయని చెప్పడంలో ఏ మాత్రం సందేహం అవసరం లేదు. వయస్సుతో సంబంధం లేకుండా ఎవరైనా బొప్పాయిని ఇష్టంగా తినవచ్చు. చిగుళ్ళ ఆరోగ్యానికి, రక్తవృద్ధికి, రోగనిరోధక శక్తికి బొప్పాయి ఎంతగానో సహాయపడుతుందని చెప్పవచ్చు.
బొప్పాయి పండ్లు తినడం ద్వారా శరీరానికి అవసరమైన అన్ని విటమిన్లు లభించే అవకాశాలు అయితే ఉంటాయి. బొప్పాయిలో ఉండే పపెయిన్ వల్ల జీర్ణక్రియ సాఫీగా జరగడంతో పాటు జీర్ణ సంబంధిత సమస్యలు సైతం దూరమవుతాయి. ఉదర సంబంధమైన జబ్బులకు చెక్ పెట్టడంలో బొప్పాయి ఎంతగానో తోడ్పడుతుందని చెప్పవచ్చు. చిన్న పిల్లలకు గుజ్జుగా చేసి బొప్పాయి పండ్లను ఇవ్వడం ద్వారా ఆరోగ్యానికి మేలు జరుగుతుంది.
బొప్పాయి పండ్లలో కొవ్వు, కేలరీలు సైతం తక్కువగా ఉంటాయని తెలుస్తోంది. బొప్పాయి పండ్లు ఇమ్యూనిటీ పవర్ ను పెంచడంతో పాటు విటమిన్‌ బి నోటి పూత, తెల్లమచ్చలు, పెదాల పగుళ్లు రాకుండా చేయడంలో ఎంతగానో ఉపయోగపడతాయి. బొప్పాయి పండ్లలో శరీరానికి మేలు చేసే విటమిన్లు, ఖనిజాలతో పాటు శరీరానికి అవసరమైన పోషకాలు లభించే అవకాశాలు ఉంటాయి.
బొప్పాయిలోని తెల్లని గుజ్జుని ముఖానికి రాయడం వల్ల జిడ్డు చర్మం సులువుగా దూరమవుతుంది. బొప్పాయి మంచి సౌందర్యసాధనం కాగా మొటిమలను తగ్గించడంలో ఎంతగానో సహాయపడుతుంది. గర్భిణీ స్త్రీలు బొప్పాయిలకు వీలైనంత దూరంగా ఉంటే మంచిది. బొప్పాయి పండ్లను తరచూ తినే వాళ్లు ఈ విషయాలను గుర్తుంచుకోవాలి.