జమ్మూ కశ్మీర్‌లో పహల్గామ్ వద్ద ఉగ్రవాదుల దాడికి బదులుగా భారత్ చేపట్టిన ప్రతీకార చర్య.. ఆపరేషన్ సిందూర్ ఇప్పుడు అంతర్జాతీయంగా చర్చనీయాంశమైంది. ఈ చర్యలో భారత్ విశేషంగా ముందుండి వ్యవహరిచింది. అత్యాధునిక సాంకేతిక పరిజ్ఞానం, ఖచ్చితమైన సమాచారంతో సమర్థవంతంగా దాడి చేసి పాక్‌కు గట్టిగానే చూపించింది.
ఈ ఆపరేషన్‌లో భారత వైమానిక దళం (IAF) అత్యంత ఖచ్చితంగా లక్ష్యాలను చుట్టుముట్టి దాడులు చేసింది. విశ్వసనీయ సమాచారం ప్రకారం, పాక్ వైమానిక దళానికి చెందిన ఆరు యుద్ధ విమానాలు, రెండు కీలక నిఘా విమానాలు, పదికి పైగా డ్రోన్లు, ఒక హెర్క్యులస్ రవాణా విమానం ధ్వంసమయ్యాయి. పాక్ పంజాబ్ ప్రాంతం మరియు పాక్ ఆక్రమిత కశ్మీర్ (POK) భూభాగాల్లో ఈ దాడులు జరిగాయి.
పాక్ వైమానిక వ్యవస్థలపై ఐఎఎఫ్ నిపుణులుగా సమన్వయంగా దాడులు జరిపారు. రాడార్ ట్రాకింగ్, థర్మల్ ఇమేజింగ్ టెక్నాలజీ ఆధారంగా లొకేషన్‌లను పసిగట్టి విమానాలను గాల్లోనే పేల్చేశారు. ఈ దాడుల్లో పాక్ తీవ్రంగా నష్టపోయినట్లు ప్రత్యక్ష రుజువులు సూచిస్తున్నాయి. గగనతల ముందస్తు హెచ్చరిక వ్యవస్థలు (AEW&C) కూడా ఈ విజయం లో కీలక పాత్ర పోషించాయి.
భారత్ వైఖరి ఉగ్రవాదానికి చిత్తశుద్ధితో సమాధానం ఇవ్వాలన్నదే. ఈ దాడి ద్వారా భారత్ మరోసారి నిరూపించుకుంది – తగిన సమయాన స్పందించగలదని. ఇప్పటికైతే అధికారిక ప్రకటన రాలేదైనా, పాక్ లోపల జాగ్రత్త చర్యలు పెరిగాయని విశ్లేషకులు అంటున్నారు. ఆపరేషన్ సిందూర్ ద్వారా భారత్ మారుమూల ప్రాంతాల్లోనూ తమ బలాన్ని చాటిందని చెప్పడంలో సందేహమే లేదు.
