పాకిస్థాన్ భూభాగంలో పొరపాటునకి వెళ్లి రేంజర్ల చేతికి చిక్కిన బీఎస్ఎఫ్ జవాన్ పూర్ణం కుమార్ షా ఎట్టకేలకు భారత్‌కు తిరిగి వచ్చారు. బుధవారం ఉదయం 10:30కి అట్టారీ జాయింట్ చెక్ పోస్ట్ వద్ద పాక్ రేంజర్లు అతడిని భారత అధికారులకు అప్పగించారు. ఈ ప్రక్రియ రెండు దేశాల మధ్య ఉన్న అధికారిక ప్రోటోకాల్స్ ప్రకారమే శాంతియుతంగా సాగిందని బీఎస్ఎఫ్ ప్రకటించింది.
ఫిరోజ్‌పూర్‌లో బందోబస్తు విధుల్లో ఉన్న పూర్ణం కుమార్ షా, ఏప్రిల్ 23న అప్రమత్తత లోపంతో సరిహద్దు దాటి పాకిస్థాన్‌లోకి ప్రవేశించిపోయారు. ఆ సమయంలో ప్రాంతంలో ఉద్రిక్తత వాతావరణం నెలకొన్నదే ప్రధాన కారణం. ముందు రోజు జమ్మూకశ్మీర్‌లోని పహల్గామ్‌లో ఉగ్రదాడి జరగడంతో, సరిహద్దు భద్రత మరింత కఠినంగా మారింది. ఈ పరిణామం వల్ల జవాన్ విడుదల ప్రక్రియలో ఆలస్యం జరిగింది.
భారత ప్రభుత్వం, బీఎస్ఎఫ్ అధికారులు పాక్ అధికారులతో సంప్రదింపులు జరిపి చివరకు షాను తిరిగి స్వదేశానికి రప్పించారు. 40 ఏళ్ల వయసున్న పూర్ణం కుమార్ షా తిరిగి సురక్షితంగా రావడం కుటుంబ సభ్యులకు ఊరటనిచ్చింది. దేశానికి సేవలందిస్తున్న సైనికుల కోసం ఇలాంటి సంఘటనలు జరగకూడదని, సరిహద్దుల్లో మరింత అప్రమత్తత అవసరమని అధికారులు వ్యాఖ్యానించారు.