ఆంధ్రప్రదేశ్‌కు మంచి రోజులు వస్తున్నాయా అన్న ప్రశ్నకు తాజా పరిణామాలు సానుకూల సమాధానాన్ని ఇస్తున్నాయి. ముఖ్యమంత్రి చంద్రబాబు నాయుడు ఢిల్లీ పర్యటనల ఫలితంగా అమరావతి అభివృద్ధికి కేంద్రం నుంచి భారీగా నిధులు విడుదలయ్యాయి. ప్రపంచ బ్యాంక్, ఆసియన్ డెవలప్‌మెంట్ బ్యాంక్ (ఏడీబీ) మద్దతుతో కేంద్రం రూ.4200 కోట్లు రిలీజ్ చేయడం గమనార్హం.
కూటమి ప్రభుత్వం అధికారంలోకి వచ్చినప్పటి నుంచే అమరావతికి ప్రాధాన్యత ఇచ్చింది. రాజధాని అభివృద్ధి పునఃప్రారంభించడమే కాదు, ఢిల్లీలో కేంద్ర మంత్రులతో జరిగిన భేటీల్లో చంద్రబాబు ముఖ్యంగా ఈ అంశాన్ని ప్రస్తావించారు. డెడ్ స్టాప్‌లో ఉన్న ప్రాజెక్టులపై చర్చించి, కేంద్రాన్ని నిధులు విడుదల చేసేలా ఒప్పించారు. ముఖ్యమంత్రి వెంట ఉపముఖ్యమంత్రి పవన్ కల్యాణ్ కూడా ఈ ప్రయత్నాల్లో భాగస్వామిగా ఉన్నారు.
ఇది కాకుండా పోలవరం ప్రాజెక్టు, విశాఖ స్టీల్ ప్లాంట్ అంశాల్లోనూ కేంద్రం తాజాగా సానుకూలంగా స్పందించింది. కొన్ని వేల కోట్ల రూపాయల నిధులను ఇప్పటికే విడుదల చేయగా, ఈ ప్రక్రియ కొనసాగుతుందని సమాచారం. ముఖ్యమంత్రి చంద్రబాబు నైపుణ్యంతో కేంద్రం వద్ద నిధుల విడుదల సాధ్యమైందని కూటమి నేతలు పేర్కొంటున్నారు.
ఈ పరిణామాల నేపథ్యంలో ప్రజల్లో కూడా విశ్వాసం పెరిగినట్లు కనిపిస్తోంది. “నిధుల కోసం వెళితే ఖచ్చితంగా తీసుకువస్తాడు” అనే అభిప్రాయం ఇప్పటికే ఫిరాయింపు ఎఫెక్ట్‌కు బలమైన సమాధానంగా మారుతోంది. అమరావతి భవితవ్యంపై ప్రజల్లో కొత్త ఉత్సాహం వెల్లివిరుస్తోంది. కూటమి ప్రభుత్వం తొలి మూడు నెలల పాలనలోనే ఈ రేంజ్‌లో ఫలితాలు రాగలిగితే.. ముందు మరిన్ని ఆశలు పెట్టుకోవచ్చు. ఇప్పుడు కేంద్రం నుంచి వచ్చిన ఈ నిధుల జల్లు.. రాష్ట్ర అభివృద్ధికి ఓ మైలురాయిగా నిలవనుంది.