రచన- దర్శకత్వం : గోపి అచ్చ
తారాగణం : సుహాస్, శివానీ నాగారం, నరేష్, వెన్నెల కిషోర్, స్రవంతి, సుదర్శన్, అజయ్ ఘోష్, హర్షవర్దన్, అన్నపూర్ణమ్మ తదితరులు
సంగీతం : వివేక్ సాగర్, ఛాయాగ్రహణం : మహీ రెడ్డీ పండుగుల, కూర్పు : విప్లవ్ నైషాడ
నిర్మాత: బీ నరేంద్రరెడ్డి
విడుదల : ఫిబ్రవరి 20, 2026
Hey Balwanth Movie Review: ఈ మధ్య విజయాలు లేని హీరో సుహాస్ ఇప్పుడు `హే బల్వంత్` అనే మూవీతో వచ్చాడు. గోపీ అచ్చర దర్శకత్వం వహించిన ఈ మూవీలో శివానీ నాగారం హీరోయిన్. ఒక పూర్తి స్థాయి కామెడీగా ప్రేక్షకుల ముందుకొచ్చిన ఈ మూవీ ఈసారైనా సుహాస్ కి విజయాన్ని అందిస్తుందా? ఈ కామెడీలో కొత్తగా ఉన్నదేమిటి, అది ఎంతవరకు వినోదాన్ని అందించింది మొదలైన విషయాలు పరిశీలిద్దాం.
కథేమిటి?
చిన్నప్పట్నుంచీ కృష్ణ (సుహాస్) తండ్రి రావ్ బలవంత్ (నరేష్) చేసే బిజినెస్ ని తను పెద్దయ్యాక చేపట్టాలని కలలు గంటూ ఉంటాడు. అయితే ఆ బిజినెస్ ఏమిటో తెలియదు. నానమ్మ (అన్నపూర్ణమ్మ) ని అడిగితే అది పెద్ద కుటీర పరిశ్రమ అని చెప్తుంది. తండ్రి క్లయంట్స్ తో మాట్లాడుతున్న తీరు చూస్తే ఆయన పెద్ద వ్యాపారమే ఏదో చేస్తున్నాడని నమ్మకం కుదురుతుంది. ఈ బిజినెస్ ని చేపట్టాలన్న కోరిక పెరిగిపోవడంతో చదువుని నిర్లక్ష్యం చేస్తాడు. ముందు చదువుకోమని తండ్రి మందలించినా వినడు.
ఇలా వుండగా, ఓ రోజు అకస్మాత్తుగా తండ్రి కి గుండెపోటు వస్తుంది. డాక్టర్ పూర్తి విశ్రాంతి తీసుకోవాలని చెప్తాడు. దీంతో కృష్ణకి తండ్రి బిజినెస్ ని చేపట్టే అవకాశం చిక్కుతుంది. తీరా ఆ బిజినెస్ ని చేపట్టాక షాకింగ్ నిజం తెలుస్తుంది.- తండ్రి నడుపుతున్న ఆ బిజినెస్ మరేమిటో కాదు, లాడ్జిలో వ్యభిచార వృత్తి!
దీంతో మతిపోయిన కృష్ణ ఏం చేశాడు? ఆ బిజినెస్ ని చేపట్టాడా? చేపడితే ఏం జరిగింది?ప్రేమించిన మిత్ర శివానీ నగరం) కి ఈ విషయం తెలియకుండా దాచడానికి ఎన్ని తిప్పలు పడ్డాడు? మధ్యలో ఆమె టాటా బాబూ మోహన్ ఎలా చనిపోయాడు? ఆ శవాన్ని యువన్ (వెన్నెల కిషోర్) ఎందుకు ఎత్తుకెళ్ళాడు? అతడికి కృష్ణ బిజినెస్ లో వున్నా చంపా స్రవంతి కున్న సంబంధమేమిట్? ఈ గందరగోలమతా ఎలా ముగిసీఈఈఈఈఈఈఈఈన్? ఇదీ మిగతా కథ.
ఎలావుంది కథ?
ఇది కామెడీ ప్రధానంగా సాగే కాలక్షేప సినిమా. కామెడీకి ఎంచుకున్న సబ్జక్టు కొత్తగా వుంది. ఈ మధ్య సరయిన విజయాలు చవి చూడని సుహాస్ కి నవ్వించి సక్సెస్ అయ్యే అవకాశమిచ్చిన మూవీ ఇది. తండ్రి చేస్తున్నది వ్యభిచార బిజినెస్ అని తెలీక చిన్నపట్నుంచీ ఉబలాటపడి తీరా చేపడితే ఎదురైన ఇబ్బందికర పరిస్థితుల్ని ఎదుర్కోవడంలో పడ్డ కామెడీ తిప్పలే ప్రధానంగా ఈ కథ. నవ్వించడానికి చాలా స్కోపున్న కథ. ఇందులో ఈ వృత్తిలోకి వచ్చిన ఆడవాళ్ళ కదిలించే కథలు ఎమోషనల్ ట్రాక్ ని అందిస్తాయి. దీన్ని సుహాస్ ఎలా డీల్ చేశాడనేది ముగింపు.
సుహాస్ చిన్నప్పట్నుంచి తండ్రి వ్యాపారం చేపట్టాలన్న కలలతో బ్రతుకుతూ, ఏవో బిజినెస్ ఐడియాలు నేర్చుకుంటూ జోరు మీద ఉంటాడు. ఆ ఐడియాల్ని ఇతర్ల బిజినెస్సులు పెగడానికి అమలు చెఇ చూప్స్తూంటాడు కూడా. దీనికి ప్రేమిస్తున్న హీరోయిన్ శివానీ తోడ్పాటు నందిస్తుంది. ఆమె అతడితో పెళ్ళికి సిద్ధపడుతుంది కూడా. ఇవన్నీ ఫన్నీగా సాగుతూ, తీరా తండ్రి చేస్తున్న బిజినెస్ చేపట్టాల్సి వచ్చినప్పుడు తగిలే షాకుకి కథ మలుపు తిరుగుతుంది. హీరోయిన్ టాటా చావుతో ఇంకో మలుపు తిరిగి ఫస్టాఫ్ ముగుస్తుంది.
సెకండాఫ్ తాత శవంతో కథ. తాత శవాన్ని ఆయన ఇంటికి తీసుకెళ్లడం చుట్టూనే కథ తిరగడంతో కామెడీ కాస్తా కుంటుపడి, ఎమోషనల్ గా, సీరియస్ గా మారుతుంది కథ. మళ్ళీ కామెడీతో పుంజుకుని ముగింపుకి వెళ్లి ఎమోషనల్ పాయింటుతో కొలిక్కి వస్తుంది. సుహాస్ తో పాటు నరేష్, అజయ్ ఘోష్, వెన్నెల కిషోర్ లు సెకండాఫ్ కామెడీ సారధులుగా బాగా నవ్వించి వదిలిపెడతారు.
ఎవరెలా చేశారు?
కలలో కూడా ఊహించని బిజినెస్ ని మెడకి తగిలించుకున్న కొడుకు పాత్రలో సుహాస్ కామెడీని పీక్ కి తీసికెళ్ళాడు. ఈ కొత్త క్యారక్టర్ లో అతడి నటన కూడా కొత్తగా థ్రిల్ చేస్తుంది. ఎమోషనల్ సీన్లలో కూడా కట్టిపడేసే నటనని ప్రదర్శించాడు. అలాగే తండ్రి పాత్రలో నరేష్ చాలా వెరైటీ కామెడీని ఇచ్చాడు. సుహాస్ కి ఏ మాత్రం తీసిన పాత్ర. ఈ పాత్రకి ఎలివేషన్ల మాస్ మసాలా కూడా తోడయ్యింది. ఆయన చేసిన బాలకృష్ణ స్ఫూఫ్ సీన్లు హైలైట్. ఎమోషనల్ గానూ కట్టిపడేశాడు. ఇక శివానీ నగరం సైతం పోటీ పడి నటించింది. ఆమె కామెడీ వేరే టైపు. ఇక సుదర్శన్, వెన్నెల కిశోర్ పాత్రలు సినిమాకి కూడా ప్లస్ అయ్యాయి. అజయ్ ఘోష్, అన్నపూర్ణమ్మ, బాబుమోహన్, హర్షవర్థన్ తదితరులు ఫర్వాలేదు.
సాంకేతికాల సంగతి?
ఈ కామెడీతో వివేక్ సాగర్ సంగీతం పోటీపడింది. పాటలూ బీజీఎం పంచింగ్ గా వున్నాయి. సినిమాకి ఊపు తెచ్చే విధంగా వున్నాయి. మహిరెడ్డి కెమెరా వర్క్ ఎక్సెలెంట్ విజువల్స్ ని అందించింది. విప్లవ్ నైషదం ఎడిటింగ్ ఫర్వాలేదు. మిగతా ప్రొడక్షన్ విలువలు ఫర్వాలేదు.
చివరికేమిటి?
ఓ కొత్త తరహా కామెడీని ఎంజాయ్ చేయడానికి పనికొచ్చే సినిమా. ఫస్టాఫ్ వినోదానికి కొదవలేదు. సెకండాఫ్ లోనే కొంత భాగం కామెడీని మర్చిపోయి కుంటుపడింది. ఆతర్వాత వేగం పుంజుకోవడం, ముగింపూ సినిమాని రక్షించాయి. దర్శకుడు గోపీ అచ్చర చేసిన ప్రయత్నం సుహాస్ కి ఎదురు చూస్తున్న విజయాన్ని అందించేలా వుంది. ప్రేక్షకులు ఓటీటీ కోసం వేచి ఉండకుండా థియేటర్ కెళ్ళి ఎంజాయ్ చేస్తే బావుంటుంది.
రేటింగ్ : 2.5 /5
