సుడిగాలి సుధీర్.. ఈ పేరు గురించి ప్రత్యేకంగా పరిచయం చేయాల్సిన అవసరం లేదు. మెజీషియన్ గా తన కెరీర్ ప్రారంభించిన సుధీర్ జబర్దస్త్ కామెడీ షో లో అవకాశం దక్కించుకొని అంచలంచెలుగా ఎదుగుతూ స్టార్ కమెడియన్ గా గుర్తింపు పొందాడు. ఇలా బుల్లితెర సూపర్ స్టార్ గా గుర్తింపు పొందిన సుడిగాలి సుదీర్ జబర్దస్త్ లో కమెడియన్ గా చేస్తున్న సమయంలోనే సినిమాలలో నటించి అవకాశాలు అందుకున్నాడు. ఇలా క్యారెక్టర్ ఆర్టిస్ట్ గా మాత్రమే కాకుండా హీరోగా కూడా ఎన్నో సినిమాలలో నటిస్తున్నాడు.
ఒకవైపు టీవీ సోలో మరొకవైపు సినిమాలతో బిజీగా ఉండే సుధీర్ మా టీవీ వారు ఇచ్చే అధిక రెమ్యునరేషన్ కి ఆశపడి జబర్దస్త్ కి దూరమయ్యాడు. ఈటీవీ ని వదిలి మాటీవీ కి వెళ్ళిన సుధీర్ అక్కడ కొంతకాలం కామెడీ స్టార్స్ షోలో సందడి చేసి ఆ తర్వాత కనుమరుగయ్యాడు. ఇక సుధీర్ యాంకర్ గా వ్యవహరిస్తున్న సూపర్ సింగర్ జూనియర్స్ షో కూడా పూర్తవటంతో బుల్లితెర మీద సుదీర్ జాడ కనిపించకుండా పోయింది. దీంతో సుధీర్ మళ్లీ బుల్లితెర మీద ఎప్పుడు కనిపిస్తాడా? అని ఆయన అభిమానులు ఎంతో ఆశగా ఎదురుచూస్తున్నారు.
ఈటీవీలో ఉన్నంతకాలం వరుస టీవీ షోలు చేస్తూ బుల్లితెర సూపర్ స్టార్ గా ఒక వెలుగు వెలిగిన సుధీర్ మాటీవీ కి వెళ్ళిన కొంతకాలానికే కనుమరుగయ్యాడు. ఇక ఇటీవల ప్రముఖ ఓటీటీ సంస్థ ఆహా లో సుధీర్ లీడ్ రోల్ లో ఒక కామెడీ షో ప్రారంభం కానుంది. అయితే ఈ షో ద్వారా సుధీర్ మళ్లీ తన స్థానానికి చేరుకోగలుగుతాడా ? లేదా ? అని అభిమానులలో అనుమానం రేకెత్తుతోంది. అయితే ఈ విషయం గురించి కొంతమంది నెటిజన్స్ స్పందిస్తూ.. ఈటీవీ ని వదిలి వెళ్ళిన సుధీర్ మళ్లీ ఆ స్థాయికి చేరుకోవటం కష్టమే అంటూ తమ అభిప్రాయం వ్యక్తం చేస్తున్నారు.