Sree Rama Chandra: పదేళ్ల కింద ఇండియన్ ఐడల్ టైటిల్ గెలుచుకుని దేశ వ్యాప్తంగా పెద్ద స్టార్ అయ్యాడు సింగర్ శ్రీరామచంద్ర. ఆ తరువాత నుండి తన కెరీర్ ను అద్భుతంగా మలుచుకుంటూ వచ్చాడు. తెలుగు, హిందీ, తమిళ భాషా చిత్రాలలో అనేక పాటలు పాడి అందర్నీ అలరించాడు. అలానే ఇటీవల ముగిసిన బిగ్ బాస్ 5-2021తెలుగులో అవకాశం అందుకున్నాడు. ఈ బుల్లితెర అతిపెద్ద రియాలిటీ షోతో మరింత పాపులారిటీని సంపాదించుకున్నాడు.
బాలీవుడ్ లో బాగా బిజీ గా గడిపిన శ్రీరామచంద్ర తెలుగు వాళ్ళకి దగ్గర అవ్వాలనే ఉద్దేశంతో బిగ్ బాస్ సీజన్ 5 తెలుగులోకి అడుగు పెట్టాడు. ఇంత క్రేజ్ సంపాదించుకున్న శ్రీరామచంద్ర బిగ్ బాస్ విన్నర్ గా నిలుస్తాడని అందరూ ఊహించుకున్నారు. చివరకి బిగ్ బాస్ 5 తెలుగు హోస్ట్ నాగార్జున సైతం ఇదే అనుకున్నాడు. కానీ, చివరి నిమిషంలో అనూహ్యంగా బుల్లితెర యాక్టర్ వీజే సన్నీ విజేతగా, యూట్యూబర్ సెన్సేషన్ స్టార్ షణ్ముఖ్ జస్వంత్ రన్నర్ గా నిలవగా… మూడో స్థానంలో సరిపెట్టుకున్నాడు శ్రీరామ్ చంద్ర.
తంతే బూరెల బుట్టలో పడ్డట్టు.. బయటకు రాగానే శ్రీరామచంద్ర ఆహా నుంచి బంపర్ ఆఫర్ అందుకున్నాడు. త్వరలో ఆహా నుంచి మంచి ఆఫర్ అందుకున్నాడు. త్వరలోనే ఆహాలో ప్రారంభం కానున్న ఇండియన్ ఐడల్ కి వ్యాఖ్యాతగా శ్రీరామచంద్రను ఎంపిక చేశారు. ఈ విషయాన్ని అధికారికంగా ఆహా మేకర్స్ సోషల్ మీడియాలో స్వయంగా అనౌన్స్ చేశారు. సంగీతమే ప్రధానంగా సాగే ఈ షోకు శ్రీరామచంద్ర కంటే బెటర్ హోస్ట్ ఇంకెవరు ఉండరు అని అంటున్నారు. అయితే శ్రీరామచంద్ర 2010లో ఇండియన్ ఐడల్ గా నిలిచాడు. ఆ తర్వాత దాదాపు హిందీ, తెలుగులో కలిపి 500 పాటలు పాడాడు. బిగ్ బాస్ 5 తెలుగుతో మరోసారి అందరికీ దగ్గరయ్యాడు. ఇప్పుడు ఆహా అంటూ మళ్ళీ ప్రేక్షకుల ముందుకు రానున్నాడు.