బుల్లితెర మీద ప్రసారమవుతున్న కార్తీకదీపం సీరియల్ ద్వారా డాక్టర్ బాబు ( నిరుపమ్) , వంటలక్క ( ప్రేమి విశ్వనాథ్) మంచి గుర్తింపు పొందారు. ఎన్నో ఏళ్ళుగా ప్రసార పోతుగా ఈ సీరియల్ టాప్ రేటింగ్స్ తో దూసుకుపోతోంది. అయితే వీరి పాత్రలు మరణించడంతో కొంతకాలం డాక్టర్ బాబు, వంటలక్క సీరియల్లో కనిపించలేదు. ఈ క్రమంలో ప్రేక్షకులు సీరియల్ చూడటానికి ఆసక్తి చూపటం లేదు. దీంతో సీరియల్ రేటింగ్స్ దారుణంగా పడిపోయాయి . అందువల్ల మళ్లీ ఈ సీరియల్ లోకి డాక్టర్ బాబు వంటలక్క పాత్రలను తీసుకువచ్చారు.
ఇదిలా ఉండగా కార్తీకదీపం సీరియల్ ద్వారా మంచి గుర్తింపు పొందిన నిరుపమ్ సీరియల్ లో ఎంత సైలెంట్ గా ఉంటాడు బయట మాత్రం చాలా సందడి చేస్తూ ఉంటాడు. తన భార్యతో కలిసి యూట్యూబ్ వీడియోస్ చేస్తూ సందడి చేస్తుంటాడు. ఈ క్రమంలో తన భార్య మీద ఎన్నో పంచ్ లు, సెటైర్లు వేస్తుంటాడు. డాక్టర్ బాబు కొంతకాలం బుల్లితెర మీద కనిపించినప్పటికీ ఇలా యూట్యూబ్ వీడియోస్ ద్వారా ప్రేక్షకులను అలరించేవాడు. అంతేకాకుండా బుల్లితెర మీద ప్రసారమవుతున్న పలు టీవీ షోస్ లో కూడా తన భార్యతో కలిసి సందడి చేస్తూ ఉంటాడు. ఆగస్టు 17వ తేదీన డాక్టర్ బాబు పుట్టినరోజు సందర్భంగా ఎంతోమంది సెలబ్రిటీలతో పాటు అభిమానులు కూడా నిరుపమ్ కి పుట్టినరోజు శుభాకాంక్షలు తెలియజేశారు.
ఈ క్రమంలో బుల్లితెర నటి నవ్య స్వామి కూడా సోషల్ మీడియా ద్వారా నిరూపమ్ కి పుట్టినరోజు శుభాకాంక్షలు తెలియజేసింది. అయితే నవ్య స్వామి మాత్రం డాక్టర్ బాబుకి ఒక కొత్త పేరు పెట్టింది. నవ్య స్వామి డాక్టర్ బాబుకి ఆ పేరు పెట్టడానికి కూడా ఒక కారణం ఉంది. ఎప్పుడూ ఇతరుల మీద సెటైర్లు వేసే డాక్టర్ బాబుకి నవ్య స్వామి పుట్టినరోజు శుభాకాంక్షలు తెలియజేస్తూ..హ్యాపీ బర్త్ డే పంచ్ పరమానంద అంటూ డాక్టర్ బాబుకి ఒక కొత్త పేరు పెట్టేసింది. ఆన్ స్క్రీన్ లో ఎంతో సైలెంట్ గా కనిపించే డాక్టర్ బాబు ఆఫ్ స్క్రీన్‌లో మాత్రం అందరిమీదా పంచులు వేస్తూ రెచ్చిపోతున్నాడు. అందుకే నవ్య స్వామి డాక్టర్ బాబుకి పంచ్ పరమానందం అని కొత్త పేరు పెట్టింది. .