జబర్దస్త్ కామెడీ షో గత తొమ్మిది సంవత్సరాలుగా ప్రసారమవుతుంది. ఈ కామెడీ షోలో ఎంతోమంది కొత్త కొత్త కమెడియన్లు వచ్చినట్లుగానే జడ్జిలు కూడా కొత్త కొత్త వాళ్లు వస్తూపోతూ ఉన్నారు. మొదట రోజా నాగబాబుతో ప్రారంభమైన ఈ కామెడీ షోలో ఎంతోమంది జడ్జ్ లు సందడి చేసి తమ జడ్జిమెంట్ తో ప్రేక్షకులను ఆకట్టుకున్నారు. నాగబాబు జబర్థస్త్ కి దూరమైన తర్వాత సింగర్ మనో కొంతకాలం జడ్జ్ గా వ్యవహరించాడు. ఇక రోజా వెళ్ళిన తర్వాత ఆ స్థానంలో ఇంద్రజ పర్మనెంట్ అని ఫిక్స్ అయ్యారు.
కానీ అందరూ గెస్ట్ లుగా వచ్చి వెళ్తున్నారు. ఇక కొంత కాలంగా .. సీనియర్ స్టార్ కమెడియన్ కృష్ణ భగవాన్ జబర్దస్త్ , శ్రీదేవి డ్రామా కంపెనీ వంటి షోలలో జడ్జ్ గా వ్యవహరిస్తూ సందడి చేస్తున్నాడు. ఒకప్పుడు స్టార్ కమెడియన్ గా అన్ని సినిమాలలో కనిపించి ప్రేక్షకుల్ని నవ్వించిన కృష్ణ భగవాన్ ఇప్పుడు అవకాశాలు లేక ఖాళీగా ఉంటున్నాడు. ఈ సమయంలో జబర్దస్త్ జడ్జ్ గా అవకాశం రావడంతో కృష్ణ భగవాన్ కూడా ఎంతో ఆనంద పడుతున్నాడు. మొదట జబర్దస్త్, శ్రీదేవి డ్రామా కంపెనీ షోలో గెస్ట్ గా వచ్చిన కృష్ణ భగవాన్
ఇప్పుడు జడ్జ్ గా వ్యవహరిస్తూ .. కమెడియన్స్ తో పాటు తలదైల శైలిలో పంచులు వేస్తూ తనలోని కమెడియన్ ని మళ్లీ బయటికి తెప్పించి ప్రేక్షకుల్ని ఆకట్టుకుంటున్నాడు.
అయితే ఇంతకాలం అవకాశాలు లేక ఖాళీగా ఉంటున్న కృష్ణ భగవాన్ కి మల్లెమాలవారు జడ్జిగా అవకాశం ఇచ్చారు. జడ్జిగా వ్యవహరిస్తున్నందుకు మల్లెమాల వారు కృష్ణ భగవాన్ కి తక్కువ రెమ్యూనరేషన్ ఇస్తున్నట్లు తెలుస్తోంది. ఒకప్పుడు స్టార్ కమెడియన్ గా గుర్తింపు పొందిన కృష్ణ భగవాన్ స్థాయిని తక్కువ చేస్తూ ఇలా తక్కువ రెమ్యూనరేషన్ ఇస్తూ.. మల్లెమాలవారు అతన్ని అవమాన పరుస్తున్నట్లు సోషల్ మీడియాలో వార్తలు వినిపిస్తున్నాయి. కృష్ణ భగవాన్ కూడా వచ్చిన అవకాశాలు వదులుకోవడానికి ఇష్టం లేక తక్కువ రెమ్యూనరేషన్ కి ఒప్పుకున్నట్లు సమాచారం.