బుల్లితెర శోభన్ బాబుగా గుర్తింపు పొందిన నిరుపమ్ పరిటాల గురించి ప్రత్యేకంగా పరిచయం చేయాల్సిన అవసరం లేదు. బుల్లితెర నటుడిగా ఎన్నో సీరియల్స్ లో నటించిన నిరుపమ్ మాటీవీలో ప్రసారమవుతున్న కార్తీకదీపం సీరియల్ లో కార్తీక్ పాత్రలో నటించి డాక్టర్ బాబుగా మంచి గుర్తింపు పొందాడు. ఈ సీరియల్ అధిక రేటింగ్ సొంతం చేసుకొని నంబర్ 1 గా నిలవడమే కాకుండా నిరూపమ్ కూడా స్టార్ ఇమేజ్ సొంతం చేసుకున్నాడు. అయితే కార్తీక్, దీప, మొనితా పాత్రలు లేకపోవటంతో సీరియల్ రేటింగ్స్ దారుణంగా పడిపోయాయి. అందువల్ల మళ్లీ వీరందరూ సీరియల్ లో రీ ఎంట్రీ ఇచ్చి సందడి చేస్తున్నారు. వీరి రాకతో సీరియల్ రేటింగ్స్ మళ్లీ పెరిగాయి.
ఇదిలా ఉండగా నిరుపమ్ నటుడిగా మాత్రమే కాకుండ నిర్మాతగా కూడా మారాడు. గతంలో ఓం ఎంటర్టైన్మెంట్ బ్యానర్ మీద హిట్లర్ గారి పెళ్లాం సీరియల్ కి నిరుపమ్ నిర్మాణ బాధ్యతలు చేపట్టాడు. కార్తీక దీపం సీరియల్ లేనప్పుడు తన భార్యతో కలసి యూట్యూబ్ వీడియోస్ చేస్తూ ప్రేక్షకులని అలరించేవారు. ఈ క్రమంలో తాను మరోక సీరియల్ కి నిర్మాత వ్యవహరిస్తున్నట్లు వెల్లడించాడు. అయితే నిరుపమ్ నిర్మాతగా వ్యవహరించిన ఆ సీరియల్ తొందర్లోనే మా టీవీలో ప్రసారం కానుంది. ఇందుకు సంబంధించిన విషయాన్ని నిరుపమ్ తన ఇంస్టాగ్రామ్ ద్వారా తెలియచేశాడు.
ఇటీవల ఈ సీరియల్ ప్రోమోని నిరుపమ్ ఇంస్టాగ్రామ్ లో షేర్ చేశాడు. ఈ సీరియల్ బుల్లితెర నటి సుష్మ ప్రధాన పాత్రలో నటించినట్టు తెలుస్తోంది. అలాగే ఈ సీరియల్ లో నిరుపమ్ భార్య మంజుల కూడా నటించినట్టు గతంలో యూట్యూబ్ వీడియోలో తెలియచేశాడు. ఇక ఈ కొత్త సీరియల్ లో నిరుపమ్ నటించటం లేదని సమాచారం. ఇక ప్రస్తుతం నిరుపమ్ షేర్ చేసిన వీడియో ఇప్పుడు సోషల్ మీడియాలో వైరల్ గా మారింది. ఇక నిరుపమ్ నిర్మాతగా కొత్త ప్రాజెక్ట్ స్టార్ట్ చేసినందుకు అతని స్నేహితులతో పాటు పలువురు అభిమానులు కూడా నిరుపమ్ కి శుభాకాంక్షలు తెలియజేస్తున్నారు.