టాలివుడ్ స్టార్ హీరోగా గుర్తింపు పొందిన నటసింహం నందమూరి బాలకృష్ణ వయసు పెరుగుతున్న కొద్ది మరింత ఉత్సాహంతో సినిమాలను నటిస్తూ బిజీగా ఉన్నాడు. ఇలా ఒకవైపు సినిమాలతో బిజీగా ఉంటున్న బాలకృష్ణ ఆహా వేదికగా ప్రసారమవుతున్న అన్ స్టాపబుల్ టాక్ షో కి హోస్ట్ స్ట్ గా వ్యవహరిస్తూ బుల్లితెర ప్రేక్షకుల అభిమానాన్ని సొంతం చేసుకున్నాడు.అన్ స్టాపబుల్ సీజన్1 లో ఎంతోమంది స్టార్ హీరోలతో ముచ్చటించిన బాలకృష్ణ తన పంచులు, సెటైర్లతో సరదా సంభాషణ కొనసాగించి ఆ షో ని బ్లాక్ బస్టర్ హిట్ చేశాడు.
అన్ స్టాపబుల్ సీజన్ 1 కి ప్రేక్షకుల నుండి మంచి రెస్పాన్స్ రావడంతో ఇటీవల సీజన్ 2 కూడా ప్రారంభించారు. ఇక ఇప్పటికే అన్ స్టాపబుల్ సీజన్ 2 లో మొదటి ఎపిసోడ్ పూర్తి చేసుకుంది. మొదటి ఎపిసోడ్లో బాలకృష్ణ తన వియ్యంకుడు అయిన నారా చంద్రబాబు నాయుడు మరియు అల్లుడు నారా లోకేష్ ని గెస్ట్లుగా ఆహ్వానించాడు. ఆంధ్రప్రదేశ్లో ప్రతిపక్ష నాయకుడిగా కొనసాగుతున్న నారా చంద్రబాబు నాయుడు ఇలా మొట్టమొదటిసారిగా టాక్ షోకి రావడంతో ఊహించని రీతిలో ప్రేక్షకుల నుండి మంచి రెస్పాన్స్ వచ్చింది.
ఇక తాజాగా ఈ సీజన్ టు రెండవ ఎపిసోడ్ లో యంగ్ హీరోలు సిద్దు జొన్నలగడ్డ, విశ్వక్ సేన్ అతిథులుగా రానున్నారు. ఇటీవల 2వ ఎపిసోడ్ కి సంబంధించిన ప్రోమో విడుదల అయింది. ఈ ప్రోమోలో జీవితంలో జరిగిన పెద్ద ఇన్సల్ట్ ఏంటి అని సిద్దు జొన్నలగడ్డని బాలకృష్ణ ప్రశ్నించగా… మొహం మీద మచ్చలు వేసుకొని నువ్వు హీరో అవుతావా అంటూ నవ్వారు. అదే పెద్ద ఇన్సల్ట్ అని సిద్దు చెబుతుండగా.. నువ్వు చెబుతుంటే నాకు కళ్ళల్లో నీళ్లు తిరుగుతున్నాయి అంటూ బాలకృష్ణ కన్నీళ్లు పెట్టుకున్నాడు. ప్రస్తుతం ఈ వీడియో సోషల్ మీడియాలో వైరల్ అవుతుంది.